KAPOSHI KA KUKENGELA No. 1 2023 | Mishongo ya ku Bwongo—Muyasa Kumikwasela Mbimbiliya
Banu babangi mu kaye koshe bali na kulifwita na mishongo ya ku bwongo. Bakulunu na banike, baka-kufuka na tuhutu, banu ba miyati ya kuliseza-seza na bulombelo bwa kuliseza-seza boshe bali na kulifwita na mishongo ya ku bwongo. Mushongo wa ku bwongo wapwa mushongo muka? Co bika byasa kulingisa munu abinje ou mushongo? Ino magazini imwesa bubwa bwa kulomba bukwasi ku cipatela nomwo Mbimbiliya yasa kukwaselamo baje bali na kubinja mushongo wa ku bwongo.
Kulibwezelela kwa Mishongo ya ku Bwongo mu Kaye
Mishongo ya ku bwongo yasa kuyandesa banu ba myaka na bisemwa byoshe. Moneni muyasa kumikwasela Mbimbiliya kukala na bukangule bwabubwa ku bwongo.
Njambi Wamyaka Mbunge
Bika bimilingisa mukulahele ngweni Yehova Njambi azibisisa bisinganyeka byeni nomu mumukalizibila kutubakana munu woshe-woshe?
1 | Lilombelo—“Umbileni Bishoti Byeni Hali Ikeye”
Kuma mwasa kulombela kuli Njambi nga mwalishoshomwena nambe nga muli mu bishoti ndi? Lilombelo lyasa kukwasa bati munu uje ali mu bishoti?
2 | “Kutuzembeleka Kutuli na Kuwana mu Bisoneka”
Mbimbiliya inakulahesa ngwayo kulutwe kukukakala bishoti.
3 | Muyasa Kutukwasela Myanja ya mu Mbimbiliya
Mizimbu ya mu Mbimbiliya ya banalume na banakazi baje balizibile ngwe mutunasa kulizibila, yasa kutukwasa tujeneke kuliziba ngwe tuli likalyetu nga tuli mu bishoti.
4 | Mu Mbimbiliya Muli Binangulo Byabibwa Bije Bitukwasa
Moneni omwo kutanda mavesi a mu Mbimbiliya na kulyakela bilengo bimwasa kushulisilila mukwasa kumikwasela nga muli na kubinja mushongo wa ku bwongo.
Mwakukwasela Baje Bali na Kubinja Mishongo ya ku Bwongo
Nga mulyana kukwasa kubusamba keni uje ali na kubinja mushongo wa ku bwongo mulinga mwamubwa manene.
