1 | Lilombelo—“Umbileni Bishoti Byeni Hali Ikeye”
MBIMBILIYA NGWAYO: “Umbileni bishoti byeni hali [Njambi] mwafwa wamyaka mbunge.”—1 PITA 5:7.
Biulumbununa Ou Mukanda
Yehova Njambi natulanya ngwendi tusimutwiye nendi. Ashaka ngwendi tumuleke byuma byoshe bili ku mbunge yetu. (Myaso 55:22) Twasa kuleka Njambi bukalu bwetu, ipwe bwabundondo nambe bwakama. Yehova watwaka mbunge. Ngeci, byuma bije binapu bya seho kuli yetu, binapu bya seho na kuli ikeye. Nga tulombela kuli ikeye, co tukala mu kwoloka.—Filipu 4:6, 7.
Bubwa Butundamo
Twasa kuliziba ngwetu tuli likalyetu mwafwa ya kulifwita na mushongo wa ku bwongo. Simbu imo bakwetu kubasa kuzibisisa mwamubwa bukalu butuli na kuliwana nabwo. (Visimo 14:10) Oloni nga tuleka Njambi mu lilombelo mutulizibila mwoshe, Yehova atolilila ku malombelo etu, co atukwasa. Yehova ali na kutumona. Azibuka bukalu butuli na kuliwana nabwo na kubabala kutukalizibi ku mbunge. Ashaka ngwendi tumuleke mwoshe mutulizibila mu lilombelo.—2 Mizimbu 6:29, 30.
Kusimutwiya na Yehova mu lilombelo kutulingisa tukulahele ngwetu watwaka mbunge. Co tuliziba ngwe mwalizibilile muka-kwimba uje walombelele ngwendi: “Unamono tuyando twange, yobe uzibuka ñababa yange.” (Myaso 31:7) Kuzibuka ngwetu Yehova ali na kumona byuma byoshe bituli na kuliwana nabyo kutukwasa tukolese nameme mu simbu ya bukalu. Yehova akamono bukalu bwetu bwoshe, co lalo ali na nzili ya kutukwasa. Azibisisa byuma bituli na kuliwana nabyo kutubakana munu woshe-woshe, co akatukwasa ha kutuzembeleka kwitila mu Mbimbiliya.
Hamo Mushaka Lalo Ebi
KAPOSHI KA KUKENGELA
Munapande Kulombela Bati Mangana Njambi Amikumbulule?
Simutwiyeni na Njambi kwoshe-kwoshe kumuli na ha simbu yoshe-yoshe. Mwasa kulinga ngoco mu kutambeka nambe mu mbunge. Yesu watukwasele tuzibuke bitunapande kulomba.
BIBAKEHULA BABAHA
Kuma Kulombela Kwapwa kwa Seho Ndi?
Kuma lilombelo lyapwa lya seho bene ndi, indi lyapwa lika ngila ya kulishubulwisilamo?
KAPOSHI KA KUKENGELA
Njambi Akatolilila ku Malombelo Etu Ndi?
Mbimbiliya imwesa ngwayo Njambi atolilila ku malombelo etu nga tulombela mu ngila inapande.
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
