‘Bumwene Bwobe Bwije’—Lilombelo Libakalombela Banu Babangi
Mwalombelaho laja ngweni Bumwene bwa Njambi bwije ndi? Kushwa kusañulu, banu babangi banalombela ngwabo: “Bumwene bwobe bwije.” Bika bili na kubalingisa balombele ngoco? Mwafwa Yesu walekele baka-kumukabangeya ngwendi balombe Bumwene bwa Njambi.
Ha kulibanga, baka-kukabangeya Yesu kubazibisisile byuma byoshe byendekele kukundama ku Bumwene. Simbu imo bamwihwile ngwabo: “Mwene, kuma ukelwisa Bumwene ku Isalele ku simbu ino bene ndi?” Hamo Yesu wabakomokesele omwo kabalekele simbu mpundu ibukaija Bumwene bwa Njambi. (Vilinga 1:6, 7) Kuma oku kulumbununa ngwabo kutwasa kuzibuka Bumwene bwa Njambi na simbu ibukaija ndi? Embwe, twasa kuzibuka.
Aka Kaposhi ka Kukengela kamikwasa muwane bikumbululo ku bihula binatako:
Bika bitutondela Bumwene bwa Njambi?
Mwene wa Bumwene bwa Njambi iya?
Bumwene bwa Njambi bukayula tangwa lika hano hasi?
Bumwene bwa Njambi Bukalingila Bika Banu?
Mwafwa bika tunapande kukundwiya Bumwene bwa Njambi hano bene?
Bumwene bwa Njambi bwapwa buka?
