Twaleleleniho Kulomba Njambi Amibezikise
Njambi wanene banu bwana bwa kulitila. Wabanene cashu ca kusimutwiya nendi na kumuleka mubali na kulizibila kwitila mu lilombelo. Kapolofweo Ndabiti walombelele ngwendi: ‘Yobe muka-kukumbulula malombelo, banu boshe bakaija kuli yobe.’ (Myaso 65:2) Twasa kulombela bati mangana Njambi atuzibe na kutubezikisa?
LOMBELENI KUTUNDILILA KWISI YA MBUNGE MU KULIKEHESA
Kulombela kumikwasa muleke Njambi bukalu bweni bwoshe nomwo mumuli na kulizibila. (Myaso 62:8) Njambi Muka-nzili Yoshe washaka malombelo a kutundilila kwisi ya mbunge.
TUMBULENI LIZINA LYA NJAMBI MU MALOMBELO ENI
Nameme Njambi bakamusanesa mazina akuliseza-seza, oloni wakala na lizina lyendi mpundu. “Yange Yehova. Eli likelyo lizina lyange.” (Isaya 42:8, NWT) Lizina lya Yehova lyasholoka lwakupwa 7,000 mu Bisoneka bya Kujela. Tupolofweto babangi bakele na kutumbula lizina lya Njambi mpundu. Abilahama wendekele ngwendi: “[Yehova] , . . . njinapande kwendeka lalo [nobe].” (Kushangumuka 18:30) Netu tunapande kupangesa lizina lya Yehova omwo tulombela.
LOMBELENI MU NDAKA YENI
Njambi asa kuziba byoshe bitumuleka mu ndaka yoshe-yoshe. Lijwi lyendi ngwalyo: “Njambi kesi na kaangu. Oloni woshe amukomoka na kulinga bije byabibwa, bakamutambula kuli ikeye.”—Vilinga 10:34, 35.
Oloni nga tushaka Njambi atubezikise, co kuli byuma bikwabo bitunapande kulinga keti kulombela lika. Mu biñanda binatako, tusimutwiya obyo byuma bitunapande kulinga.
Hamo Mushaka Lalo Ebi
BIBAKEHULA BABAHA
Kuma Kulombela Kwapwa kwa Seho Ndi?
Kuma lilombelo lyapwa lya seho bene ndi, indi lyapwa lika ngila ya kulishubulwisilamo?
BYETU BAKALEHO BA YEHOVA
Kungulukeni Hamo Netu
Zibukeni kutukakungulukila nomwo mutukalingila biwano byetu. Banu boshe banazituka kukunguluka, co kubafwetesa.
