Kuma simbu imo kukamikaluwila kwanuka byuma bimunalilongesa ndi? Ebi bikalingiwa kuli yetu tubaboshe. Bika byasa kumikwasa? Singanyekeseseni ha bisimpi bya seho.

Omwo mutanda, singanyekeseseni ha byuma bimuli na kutanda. Kapositolo Paulu washongangeyeye bandolome na bandokazi bendi basinganyekesese ha byuma bibakele na kutanda mu mukanda wendi. Wendekele ngwendi: “Co simpi yakama ha byuma bituli na kwendeka ei.” (Hebe 8:1) Kulinga ngoco kwakwasele baje basonekelele bazibisise byakele na kulumbununa na kumona mubinalikwatasanena bisimpi.

Mwasa kwangula nambe minutu 10 ya kusinganyekesesa ha byuma bimunatanda mangana mwanuke bisimpi bya seho. Nga kumwanuka mwamubwa bimunatanda, co ilukileni kutanda mukana wakulibanga mu palagirafu na palagirafu mangana mwanuke bimunatanda. Nga mwalilongesako byuma byabiha, co esekeni kubilumbununa mu majwi eni. Kwituluka mu bisimpi bya seho kumikwasa mwanuke byuma bimunalilongesa na kumikwasa mumone mumwasa kubipangesela mu kuyoya kweni.