Tandeni Genese 37:23-28; 39:17-23 mangana mumone byuma byalingile Jozefu omwo kubamulingile mwamubwa nebi bitwasa kulilongesako.

Lilongeseni byabingi ku muzimbu umutanda. Mwafwa bika Jozefu kubamulingile mwamubwa? (Gene 37:3-11; 39:1, 6-10) Jozefu kubamulingile mwamubwa ha simbu ya kupwa hali? (Gene 37:2; 41:46) Ha simbu ibyakele na kulingiwa ebi byuma, byuma muka byalingilile Yehova Jozefu na byuma bije kamulingilile?—Gene 39:2, 21; w23.01 17 ¶13.

Tondeseseni ha biñanda bimuli na kutanda. Nameme munakazi wa Potifa wabangeyeye Jozefu ñanda, Mbimbiliya kuyatulekele byendekele Jozefu kutalesa ku ñanda ibamukutiiye. Bisoneka binatako bitukwasa bati kumona byuma byesi kulingisile Jozefu ajeneke kwendekako bimo, nambe byuma bitulingisa tujeneke kutondesesa bukaleho ha byuma byoshe? (Prov 20:2; Iwano 21:25; Bili 21:37) Bifwa muka byesi kukwasele Jozefu akolese ha simbu ibamulingile mwamubi?—Mika 7:7; Luka 14:11; Jems 1:2, 3.

Singanyekeseseni ha byuma bimunalilongesa na kubipangesa. Lihuleni ngweni:

• ‘Mapakeso muka anjasa kuliwana nawo mwafwa ya kupwa ndongesi ya Yesu?’ (Luka 21:12, 16, 17; Hebe 10:33, 34)

• ‘Byuma muka binjasa kulinga ha simbu ino bije binasa kukanjikwasa kukolesa mu mapakeso?’ (Samu 62:7, 8; 105:17-19; w19.07 2-7)