MUKALITHZIVI NGWENI MWAPWA MU VA KUVWAHELELA NDI? Nga mukemwo, cho vika vikamilingitha mupwe va kuvwahelela? Nanga yeni, indi chipangi cheni, indi vulombelo vweni? Hamo mukathinganyeka ngweni mupwa va kuvwahelela nga mumanetha sikola na kuwana chipangi chachivwa, nambe kulanda munyau wauha.

Vanu vavangi vakavwahelela nga vanashulithilila chilengo chavo, nambe nga vawana chuma chivanatondele. Oloni oku kuvwahelela kukambata thimbu ya kupwa hali? Kakangi, ikapu thimbu yaindondo lika.

Kuvwahelela kwapwa kulithziva mwamuvwa ku mbunge na kushuvuluka mwafwa ya kujauka na vyuma vyali navyo munu na kushaka kutwalelelaho kulithziva ngocho mu kuyoya.

Kuvwahelela tuchetheketha ku vungendthzi, kethi ngwe ku chilengo chatha kushulithilila munu embwe. Kwendeka lika ngwove, “Njivwahelela nga njilinga vingandi,” kukwatha kukulingitha upwe wa kuvwahelela.

Chakumwenako, munu wa kuvwahelela tumwetheketha ku munu uje nalikangula. Vyuma muka vikakwatha vanu valikangule ku muvila? Vakali vyakulya vije vitunga muvila na kweha vweho vwa kukanyametha muvila na kulinga vyuma vyeka. Mu ngila imo lika, munu avwahelela nga enda mu ngila yaivwa na kupangetha vinangulo vyavivwa.

Vinangulo na vifwa muka vya mu kuyoya vilingitha munu apwe wa kuvwahelela? Kuli vyuma vyavingi vyatha kukwatha munu apwe wa kuvwahelela, oloni tuthimutwiyeni ha vyuma vino:

• KWANA NA KUJAUKA NA VYUMA VIMULI NAVYO

• VUKANGULE NA KUKOLETHA

• LCHITHZEMO

• KUKONEKELA

• KUTHZIVUKA VITULI NA KUYOYELA

• LILAVELELO

Mukanda umo uvathingimika manene vanu wendeka ngwawo: “Vanavethzika vanu vaje vayoya mu vuthunga.” (Myatho 119:1) Tuchithimutwiyeni mutwatha kulingila ngocho.