Banu babangi bakalifwiti ha litangwa na litangwa kushaka kuwana byakulikwasesa. Oloni byuma byabibi bili na kulingiwa mu kaye binasa kulingisa banu kubakaluwile kuwana byuma bya kulikwasesa. Mwafwa bika?

• Nga kunasholoka bukalu bumo bwakama, ndando ya byuma bya seho inasa kulonda. Co kuwana byuma bya kufwa ngwe byakulya na kwakukala kunasa kukaluwa.

• Bukalu bumo bunasa kulingisa banu bajeneke kukala na bipangi nambe kutepulula ku fweto yabo.

• Bukalu bumo bwa kulizila bwasa kubiisila banu mingoso yabo, binjibo byabo nambe byuma byeka bibanasa kukala nabyo na kubaseza mu buhutu.

• Kupangesa mwamubwa bimbongo byeni kwasa kumikwasa nga kunasholoka bukalu bwa cishitukila.

• Bimbongo bimukawana nambe bimunatulika nambe byuma byeka bimunasa kukala nabyo byasa kuhwa nambe kujeneka kukala na seho.

• Banu kubasa kulanda na bimbongo byuma bimo bya kufwa ngwe kupwa ba kubwahelela nambe kukala na likwatasano mu naanga.

Mbimbiliya ngwayo: “Nga tuli na byakulya na buzalo, ebi binapumo kuli yetu.”—1 Timateo 6:8.

Kujauka na byuma bituli nabyo kulumbununa kumona ngwetu byuma bituli nabyo bitutonda mu kuyoya binapumo na kujeneka kwaka manene mana ku byuma bitushaka lika. Kulinga ngoco kwa seho, maneneni nga kutwesi bwino na bimbongo.

Munu najauka na byuma byali nabyo apangesa bimbongo mu kwesekela. Kujeneka kupangesa mwamubwa bimbongo kwasa kubwezelela ku bukalu bwanasa kuliwana nabwo munu.