Mwafwa Bika Banu Kubesi na Kulisingimika Bakebo Babenya?
BIKA KWAPWILA KWA SEHO KULISINGIMIKA YETU BABENYA?
Banu baje bakalisingimika bakebo babenya bakakolesa nga bali mu byeseko. Co lalo kubesi kuzeya bwasi.
-
Baka-kutondesesa banawana ngwabo banu baje bakalimono ngwabo kubapwile ba seho bakakala na bishoti, kwombwa na kubinja mushongo wa kujeneka kulya bwino. Co kakangi, bakapangesa mambanda akupendesa na kunwa manene bwala.
-
Banu baje bakalisingimika bekebo babenya kubesi kulyesekesa ku bakwabo, co oku kukabalingisa balikwatasane na bakwabo na kulikuta nabo busamba bwa kukanyama. Oloni baje kubesi kulisingimika bakebo babenya bakaka manene mbunge kutupenga twa bakwabo, co oku kukabonowesa kulikuta busamba bwa kukanyama na bakwabo.
-
Banu baje bakalisingimika bakebo babenya bakatwalelelaho kukolesa nameme nga bali mu bukalu, co kubesi kwecelela kusebuka kwabo kubonowese kushulisilila cilengo cabo. Oloni baje kubesi kulisingimika bakebo babenya bakamono bukalu bwabundondo kupwa ngwe bwakama manene. Ngeci, oku kwasa kubazeyesa bwasi.
BIMWASA KULINGA
Kaleni na babusamba baje basa kumikanyamesa. Likwatasaneni na banu baje bali na kasingimiko, baje bamyaka mbunge, co lalo baje basa kumikanyamesa.
Kwaseni bakweni. Nga muzibila bakweni ngozi na kubakwasa, kwambatesela na baje kubasa kumilwisila bimunabalingila, co oku kumilingisa mupwe bakubwahelela. Co lalo mupwa bakubwahelela nameme banu kubananguka byuma bimunalingi.
Kwaseni bana beni balisingimike bakebo babenya. Ngila imo imwasa kulingilamo ngoco inapu kubakwasa bazibuke byakulinga nga bali mu bukalu kweta hono ha bakazibukila byakulinga kwa kujeneka bukwasi bweni. Kulinga ngoco kukwasa bana beni kuzibuka mwakumanesela bukalu. Co lalo kubakwasa balisingimike bakebo babenya ha simbu ibacili banike nomu mubakola.
BITULI NA KULINGA
Bakaleho ba Yehova bakakwasa banu balisingimike bakebo babenya na kutengulula yoyesi yabo kwitila mu biwano byabo na kubalongesa Mbimbiliya.
BIWANO BYETU BYA CALUMINGO NA CALUMINGO
Ku biwano byetu bya calumingo na calumingo, tukalikuu kutolilila ku biñanda bya Mbimbiliya bije bikatukwasa mangana tulisingimike yetu babenya. Ku biwano byetu kutwesi kufwetesa, co munu woshe-woshe nazituka kuyako. Cakumwenako, ku biwano byetu mukalilongesa . . .
-
bimwapwila ba seho kuli Njambi
-
bimuli na kuyoyela
-
mwakulikutila busamba bwa kukanyama na bakweni
Co lalo mukawana babusamba baje ‘balyaka mbunge umo na mukwabo.’—1 Korinte 12:25, 26.
Nga mushaka kuzibuka byabingi kutalesa ku biwano byetu, kengeni vidio ya mutwe wa Bika Bikalingiwa ku Njubo ya Bumwene?
KULONGESA BANU MBIMBILIYA
Tukalilongesa na banu Mbimbiliya kwa kujeneka kubafwetesa kupangesa libulu lya Likuweni Kuyoya Myaka Yoshe! Omu mu libulu muli bisoneka na biñanda bibasa kuzibisisa mwamubwa banu, bihula, mavidio amabwa na bikupulo byabibwa. Kulilongesa na banu Mbimbiliya kukabakwasa mangana balisingimike bakebo babenya na kutengulula yoyesi yabo.
Nga mushaka kumona bukwasi bumwasa kuwana mwafwa ya kulilongesa Mbimbiliya na Bakaleho ba Yehova, kengeni vidio yaihi ha jw.org, ya mutwe wa Bika Bimunapande Kulilongesela Mbimbiliya?
Hamo Mushaka Lalo Ebi
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
BYETU BAKALEHO BA YEHOVA
Kungulukeni Hamo Netu
Zibukeni kutukakungulukila nomwo mutukalingila biwano byetu. Banu boshe banazituka kukunguluka, co kubafwetesa.
