Nga vaka-kulyambata vapangela hamo mu vulo vwavo, cho vapwa ngwe muka-kwendetha fulai na mukwathi wendi vaje vakapangela hamo. Nameme kusholoka vukalu, munu na munu mu vulo athinganyeka ngwendi “tulinga vati,” kethi “njilinga vati.”

CHINANGULO CHA MU MBIMBILIYA: “Kuvakapu lalo vavali, oloni vakapwa muvila umo.”—Mateo 19:6.

Christopher wendekele ngwendi: “Vulo kuvwapwile vwa munu umo lika. Munalume na munakathzi vanapande kupangela hamo mangana vakale mwamuvwa.”

Vaka-kulyambata vaje kuvethi kupangela hamo, vatha kulitengulukila nga kusholoka vukalu kutuvakana kuwana ngila ya kuvumanethelamo. Ngechi, vukalu vwavundondo vwatha kutenguluka vukalu vwakama.

Alexandra ngwendi: “Kupangela hamo kwapwa kwa theho manene. Ngwe nange na muka-limbo lyange kutwethi kupangela hamo ngwe twapwa lika ngwe vanu vaje vakala hamo mu mulili, oloni munu na munu alilingila vyendi.”

LIHULENI NGWENI

• Njikamono vimbongo vinjikawana kupwa “vyange lika” ndi?

• Nga njishaka kukalithzima vuli, njinapande kuthzethza muka-limbo lyange ndi?

• Njikalikwatathana na vavushoko vwa muka-limbo lyange ndi?

THIMUTWIYENI NA MUKA-LIMBO LYENI

• Vyuma muka vitukapangela hamo mwamuvwa?

• Hali hatunapande kupangela?

• Vika vitunapande kulinga mangana tupangele hamo mwamuvwa?

LINGENI EVI

• Achithinganyekeni ha vweho vwa mbola ya tenesi, vuje vuvakehe vanu vavali vavali, ava oku vakwavo oku. Vika vimunapande kulinga mangana yeni na muka-limbo lyeni mukale kumo lika?

• Kumwapandele kuthinganyeka ngweni, ‘Njihyana vati?’ oloni ngweni ‘Tuhyana vati?’

Ethan ngwendi: “Kupangela hamo na kukala mu kwoloka kwapwa kwa theho, kutuvakana kulyana milonga.”

CHINANGULO CHA MU MBIMBILIYA: “Shakethzekeni vije vyatha kuvwaheletha vakweni lalo, kethi mulivwahelethe yeni vavenya.”—Filipu 2:3, 4.