bakulahela ngwabo banu bakayanda mwafwa ya byuma byabibi bibali na kulinga ha simbu ino nambe mwafwa ya byuma byabibi bibalingile mu buyoye bwabo bwa kunima. Munu asa kupatuka nambe ngwetu kweta ha seteko ya kwecela kusemuka lalo na kupwa cuma ceka nga kaka mana ku byuma bije kesi bya bulombelo.

bamona ngwabo kuyanda kwapwa kashitiko mwafwa ya bubi nambe ceseko kuli baka-kukulahela. Sayyid Syeed uje wapwa pulezidenti wa cibunga ca Islamic Society of North America wendekele ngwendi: “Bukalu bubakaliwana nabwo banu bukabanukisa ngwabo banapande kukandelela kuli Njambi ha byuma byoshe byanabalingila na kunanguka ngwabo banapande kukwasa baje bali mu bujene.”

bakulahela ngwabo munu asa kuyanda mwafwa ya bilinga byendi. Bayunda bamo ngwabo kukakala kusanguka, co munima kukakala kwamena banu ba kujeneka mulonga baje bayandele. Bakulahela lalo mu cilongesa ca Kabbalah cije cimwesa ngwaco munu nga natsi, alimuka cuma ceka, co asa kulingako bimo mangana apangele ha bubi bwendi.

bakuhahela ngwabo munu akaliwana na kayando ha bisimbu bya kuliseza-seza, co akasemuka lalo na kulimuka mu bifwa bya kuliseza-seza kweta noho bilinga na bisinganyeka byendi byabibi binahu. Nga munu akala na mana, apanga mwamubwa bipangi na kusinganyeka mwamubwa, co kaliwana lalo na tuyando.

bakulahela ngwabo: “Banu bali na kuyanda mwafwa ya kwonowa kulinga byuma nambe mwafwa ya kujeneka kubilinga mwamubwa” ngwe muyendekela dikishinali imo yendeka bya Bulombelo. Bakulahela lalo ngwabo banu basa kutepulula ku tuyando nga bayoya mwamubwa, oloni bwingi bwa tuyando tukaija mwafwa ya “byuma bya ku sipilitu bije bili na nzili kutubakana banu. Ngeci, banu banapande kutambula byuma byoshe bitunda ku byuma obyo bya ku sipilitu.”

bakulahela ngwabo balozi bakebo bakayandesa banu. Bamona ngwabo balozi basa kunena lubinda nambe bukalu ku banu, oloni nga banu balikikiya, co batepulula ku tuyando tubakanene balozi. Co lalo ngwabo nga munu ali na kubinja, bumbanda na bizila bya bimbanda bikebyo byasa kulwisa byuma bya bulozi na kukwasa owo munu.

bakulahela ngwabo banu bali na kuyanda mwafwa ya bubi bubalingile banu babali ba kulibanga ngwe muyendekela Mbimbiliya ku mukanda wa Kushangumuka. Oloni banu babangi bali na kulongesa byuma byeka. Cakumwenako, Baka-katolika bamo ngwabo munu asa ‘kwana Njambi’ kayando kendi na kumulomba ngwendi akwase ceci nambe kupangesa kaje kayando kendi mu kwobola mukwabo munu.