Kuzibuka cikumbululo ku cihula eci kutukwasa tumone kuyoya mu ngila inapande.

Kuma Njambi uje watangele mwamubwa byuma byoshe bili mu kaye asa kutunenela tuyando ndi?

Banu bamo banasa kusinganyeka ngwabo hamo Njambi wayongwele ngwendi tuyande. Bamoco banasa kusinganyeka ngwabo na Njambi bene kakeleko. Basinganyeka ngwabo (1) Njambi kesi na nzili ya kumanesa tuyando, (2) Njambi kashaka kumanesa tuyando, nambe ngwabo (3) Njambi kakeleko.

Kuma ebi bikebyo lika bili na kulingisa banu bayande ndi?

Njambi katutangelele kuyanda.

Washaka ngwendi tulikuwe kuyoya.

“Na cimo cacibwa kuli yetu cahi, kutubakana kubwahelela na kulinga mwamubwa simbu tu ciyoya. Omwo bwana bwa Njambi ku banu bunapu kubwahelela kuje tuwana mu kulya na mu kunwa na kubwahelela lalo kuje tuwana mu bipangi bije tuli na kulinga.”—MUKA-KWAMBULULA 3:12, 13.

Njambi wabwaheselele banu babali ba kulibanga buyoye bwa kujeneka tuyando.

Washakele ngwendi baje banu babali na bana babo bayoye mwamubwa myaka yoshe.

Njambi wabalekele ngwendi: “Kiteni, ngeci batekulwila beni bakatume hano hasi hoshe.”—KUSHANGUMUKA 1:28.

Banu babali ba kulibanga bangwile kujeneka kwononoka Njambi.

Ngeci bayandele manene, na kulingisa bana babo bayande.

“Bubi bwezile hano ha kaye hali munu umo lika, co bubi bwendi bunanene kutsa. Co kutsa kunete ku miyati yoshe ya banu omwo boshe banalingi bubi.”—LOMA 5:12. *

Njambi katutangele na cashu ca kulyendesa yetu babenya.

Kutwasa kuliyula yetu babenya ngwe omwo lika kutwasa kuyoya mu mema.

“Munu ikeye babenya kesi na nzili ya kwenda mwoshe mwashakela.”—NJELEMIYA 10:23.

Njambi kashaka ngwendi tuyande.

Washaka ngwendi, tweseke mutwasela mwoshe kujenjuka bukalu.

‘Ngwe mwatolililile ku mashiko ange, ngwe bibezikiso byeni byapwile ngwe muna-ndonga uje kesi kuma.’—ISAYA 48:18.