Kulikangula ku Mubila
Mbimbiliya kuyapwile libulu lya bandotolo embwe. Oloni ili na binangulo bije bitukwasa tulikangule ku mubila. Tusimutwiyeni ha binangulo bimo bya mu Mbimbiliya bije bitukwasa tulikangule ku mubila.
NYUNGENI MUBILA WENI
CINANGULO CA MU MBIMBILIYA: “Naumo wahi wazinda mubila wendi babenya. Oloni aulisa na kuulela.”—Efeso 5:29.
BICILUMBUNUNA CINANGULO: Eci cinangulo citushongangeya tulinge mutwasela mwoshe mangana tulikangule ku mubila. Muzimbu umo wamwesa ngwawo banu babangi bali na kubinja mwafwa ya kujeneka kulinyunga. Ngeci nga twangula mwamubwa byakulinga tupwa ba kulikangula.
BIMWASA KULINGA:
-
Byakulya. Anguleni byakulya bije bitunga mubila na kunwa mema amangi.
-
Lingeni Byuma Bije Bikanyamesa Mubila. Kulingako byuma bije bikanyamesa mubila kumikwasa mupwe ba kulikangula. Lingeni ngoco nameme munakulubala, nambe mu biyanga, nameme mwabinja. Bakwetu basa kutushongangeya tulingeko bweho buje bukanyamesa mubila, oloni kubanga netu babenya tulyakeho asina tumona bubwa.
-
Kaleni na Simbu ya Kulala. Kujeneka kulala kunasa kunena mushongo waubi. Banu babangi kubesi kulala mwafwa ya byuma bibanangula kulinga. Oloni nga mukala na simbu ya kulala, co mubila weni ukala mwamubwa.
UMBILENI KUTI FUTISI YAIBI
CINANGULO CA MU MBIMBILIYA: “Ngecibene, tulijeleseni ku byuma byoshe bije bijwalesa mubila, nambe mwonyo.”—2 Kolinte 7:1.
BICILUMBUNUNA CINANGULO: Tupwa ba kulikangula nga tujenjuka ku byuma byabibi bije bibiisa mibila yetu, bya kufwa ngwe makaya. Makaya ali na kunena mishongo ku banu na kubatsiya.
BIMWASA KULINGA: Anguleni litangwa limulikela kusipa makaya, co lisonekeni ha kalenda yeni. Simbu kanda eli litangwa lyete, umbileni kuti makaya aliko, misanga ya makaya, fwofwo imukashwamekesa na byuma byeka bije byasa kujwalesa mubila weni. Likeleni kwendela ku myela kuje kuli baka-kusipa makaya. Lekeni babushoko na babusamba beni ngwendi munalikela kusipa. Oku kubalingisa bakundwiye biyongola byeni.
BINANGULO BIKWABO BYA MU MBIMBILIYA
Nga mutonda Mbimbiliya, co endekeni naumo wa Bakaleho ba Yehova mu citingitingi ceni
LINGENI BYUMA MU NGILA IJE KUIMIBULUMUNA.
“Omwo mukatunga njubo yaiha, co mukakako cibumbe cacihi ca kuzengeleka hakamwa ya njubo, kutewa mukakala na mulonga nga munu akandumukaho na kutsa.”—KWITULUKA MU MASHIKO 22:8.
KETI MUZAMBWILE KULUBALA.
‘Uje kesi kulubala bwasi, ali na mana, oloni muka-mbunge ya bwasi bwasi, akamwesa lika bulema bwendi.’—VISIMO 14:29.
KETI MUPWE BAKA-KULYA MANENE.
“Kesi ulipandakane hamo na . . . baka-kutsa ha kulya.”—VISIMO 23:20.
Hamo Mushaka Lalo Ebi
TONENI!
Ngila Ya Kupwilamo va Kuvwahelela—Vukangule na Kukoletha
Kuvinja kwatha kutwonowetha kupwa va kuvwahelela ndi?
