Libulu lya Kusañulu Lije Litukwasa mu Kuyoya Kwetu
Banu babangi bamona Mbimbiliya kupwa libulu lya kujela lije lilongesa banu mwakulemesela Njambi. Oloni Mbimbiliya kuyesi kulongesa lika mwakulemesela Njambi embwe. Ili na binangulo bije bitukwasa mu kuyoya kwetu kwa litangwa na litwanga.
Banu bamo banamono ngwabo kutanda Mbimbiliya na kupangesa bibatanda kunabakwasa mu kuyoya kwabo. Taleni majwi abanendeka bamo:
“Buyoye bwange bunabwaha oni. Njili na kusinganyeka bwino na kuliziba mwamubwa. Njinabwahelela kutubakana ku simbu ya kunima.”—Fiona.
“Kulilongesa Mbimbiliya kunanjikwasa njizibuke binjili na kuyoyela.”—Gnitko.
“Buyoye bwange munabwaha manene. Njinatepulula ku bipangi byange, co njili na simbu ya kusikama na naanga yange.”—Andrew.
Aba banu keti bakebo lika bainakwasa Mbimbiliya embwe. Banu babangi mu kaye banamono ngwabo Mbimbiliya ili na kubakwasa mu kuyoya kwabo kwa litangwa na litangwa.
Tusimutwiyeni omwo Mbimbiliya muili na kukwasela banu mu . . .
Kulikangula ku mubila
Kujeneka kulubala manene
Kutumbama mwamubwa na bakwetu
Kupangesa Bwino Bimbongo
Kulikuta busamba na Njambi
Biñanda binatako bimwesa ngwabyo Mbimbiliya kuyapwile lika libulu lya kujela, oloni lalo imikwasa mu kuyoya kweni kwali litangwa na litangwa.