Nangukeni Bifwa Byabibwa Bibali Nabyo Bakweni
Bukalu
Kulizema manene kunasa kulingisa munu akale na kaangu. Munu uje walizema manene walimona kupwa wakama kutubakana mwanapu. Walimona ngwe wapwa wa seho manene, co wamona bakwabo ngwe bangoco. Tubaboshe tunasa kukala na biyongola bya cifwa eci. Libulu lya Encyclopedia Britannica ngwalyo: “Banu ba bisemwa bimo bakalizibi ngwabo yoyesi yabo, byakulya bibakali, zalesi yabo, bifwa byabo, byuma bibakulahela na cisemwa cabo byapwa bya seho manene kutubakana bya bakwabo.” Twasa kujenjuka bati ebi bisinganyeka bya kuhenga?
Cinangulo ca mu Mbimbiliya
“Yongoleni bakweni ngwe banapu bababwa kumihyana yeni.”—FILIPU 2:3.
Eci cinangulo cilumbununa bika? Kulikehesa kutukwasa tujeneke kulijundula. Kutukwasa lalo tunanguke ngwetu bakwetu batutubakana mu byuma bimo. Kukwesi banu ba muyati umo bakala na bifwa byabibwa na cashu kutubakana bakwabo boshe.
Tusimutwiyeni hali Stefan. Wakolelele mu lifuti muje mubakulahela ngwabo banu boshe banapande kupwisa hamo. Oloni wecelele kumona banu ba mu mafuti muje kubakulahelele ngoco kupwa ba kusalela. Wendekele
ngwendi: “Kumona bakwetu kupwa ba seho kututubakana kukekwo kunasa kutukwasa tujeneke kukala na kaangu. Kunjizibuka byuma byoshe. Ngeci, kuli bimo binjasa kulilongesa ku bakwetu.”Byuma Bimwasa Kulinga
Likeheseni, co nangukeni buzeye bweni. Zibukeni ngweni bakweni banamitubakana mu byuma bimo. Keti musinganyeke ngweni banu ba muyati umo boshe bakalingi byuma byabibi byakulifwa.
Keti musinganyekele lika bakweni byuma byabibi, oloni lihuleni ngweni:
Zibukeni ngweni bakweni banamitubakana mu byuma bimo
-
‘Kuma bifwa byendi binjazinda byapwa byabibi bene indi hamo binaliseze lika na bifwa byange?’
-
‘Kuma kuli byuma bimo bije kunjesi na kulinga mwamubwa byali na kumona ndi?’
-
‘Bika byakalingi bije kunjasa kulinga?’
Nga mukumbulula ebi bihula mwamubwa, co kumukala na kaangu, co lalo munanguka bifwa bya bakweni byabibwa na byuma byabibwa bibakalingi.