Kakangi banu bakakala na kaangu mwafwa ya biñanda bya makuli bibakazibi. Tumoneni byuma bimo binalingisa banu bamo bakale na kaangu.

• Banu bamo baka-kukobelesa bipangi bakulahela ngwabo banakazi kubasa kupangesa makina.

• Ha simbu ibakele na kuyula Baloma mu Europe, Bayunda bababangeyeye ngwabo bakele na kwaka bushungu mu masima, co bakele na kutambwisa bakwabo mishongo. Kutundaho, ha simbu ibayulile baka-Nazi, Bayunda bababangeyeye ngwabo bakele na kulingisa mingoso keti yende mwamubwa mu Germany. Ngeci, Bayunda bakele na kubayengula manene, co bamo bacikalingi ngoco na simbu ino.

• Banu babangi bakulahela ngwabo biyanga kubapwile ba kubwahelela, co bakalubala bwasi.

Banu bakulahela makuli a cifwa eci banasa kwendekako banu bamo nambe byuma bimo bibazibuka mangana bamwese ngwabo byuma bibakulahela byapwa bya busunga. Co bakasinganyeka ngwabo nga munu kakulahela byuma bibakulahela, ali ku nzimba.

‘Kesi mwamubwa kujeneka kukala na mana.’—VISIMO 19:2.

Eci cinangulo cilumbununa bika? Nga kutwesi na bukaleho, tunasa kulinga byuma mu ngila ya kuhenga. Nga tukulahela biñanda bya makuli, co twasa kumona banu mu ngila ya kuhenga.

Nga tuzibuka mwamubwa banu, co kutwasa kukulahela biñanda bya makuli bibababangeya. Co lalo nga tunanguka ngwetu byuma bitunazibi hali banu bamo binapu bya makuli, co kutuzambwila kukulahela byuma byeka bituziba.

• Banu banasa kwendeka ngwabo banu ba muyati umo bakalingi byuma byabibi, oloni anukeni ngweni keti boshe bakabilingi.

• Anukeni ngweni simbu imo kumwasa kuzibuka byuma byoshe hali banu bamo.

• Waneni busunga ku banu baje babazibuka mwamubwa.