Mwasa Kuzibuka Bati Busunga?
“Melu na kaye na byuma byoshe bilimo byalizilile.”—Libulu lya The Grand Design lyasonekele Stephen Hawking na Leonard Mlodinow, lije libatuhwile mu 2010.
“Njambi watangele lilu na kaye.”—Biyendeka Mbimbiliya ku mukanda wa Kushangumuka 1:1.
Kuma melu na kaye na byuma byoshe bya kuyoya bilimo byalizilile, indi Njambi ikeye wabitangele? Kuli kuliseza kwakama kuli mukati ka byuma bibanendeka baka-sayansi nebi biyendeka Mbimbiliya. Banu bamo bakulahela biyendeka Mbimbiliya, bamoco bakulahela bibakendeka baka-sayansi. Oloni banu babangi bali na kuuwasana. Banu bakalikanangana ha ñanda ei mu mabulu na ha ma TV.
Hamo balongesi ku sikola bamilongesele ngwabo melu na kaye na byuma byoshe bya kuyoya byakalamo byalizilile, wahi wabitangele. Kuma bamimwesele bukaleho buje bumwesa ngwabwo wahi watangele byuma ndi? Co lalo hamo mwazibaho laja balongesi ba bulombelo balongesa ngwabo kwakala Ishamatanga. Kuma bamimwesele bukaleho buje bumwesa ngoco ndi? Indi hamo bamilekele ngwabo munapande lika “kukulahela” ngoco?
Hamo mumwasinganyekesesele ha ñanda ei mwamwene ngweni wahi asa kuzibuka indi kwakala Ishamatanga. Kuma kuzibuka indi kuli umo watangele byuma kwa seho ndi?
Muno mu magazini ya Toneni! tushangumuka tahi kusimutwiya ha bukaleho bumo buje bunalingisa banu babangi bakulahele ngwabo kwakala Ishamatanga. Kutundaho, tusimutwiya bikwapwila kwa seho kuzibuka omwo byuma bya kuyoya byashangumukilile kukalako hano hasi.
Hamo Mushaka Lalo Ebi
BIKUMBULULO KU BIHULA BYA KUKUNDAMA KU MBIMBILIYA
Kuma Njambi Watangele Cuma Cimo ca Kuyoya Mangana Ciye na Kulitengulula Ndi?
Mbimbiliya kuililwisi nebi bibanawana baka-sayansi bije bimwesa ngwabyo byuma bya kuyoya bya muyati umo binasa kuliseza kamandondo.
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
