Vika Viyendeka Mbimbiliya?
Vulombelo vwapwa vwa kupanga ku vanu ndi?
VANU VAMO VAKULAHELA NGWAVO vulombelo vwapwa vwa kupanga ku vanu, vakwavo vakathinganyeka ngwavo Njambi akapangetha vulombelo mu kukwatha vanu valikute vuthamba nendi. Yeni muthinganyeka vati?
VIYENDEKA MBIMBIMBILIYA
Kwakala “kulemetha kwakuvwa kuje kwanayongola Njambi Tate.” (Yakomba 1:27) Vulombelo vwa kujela nambe ngwetu vwa vuthunga vwatunda kuli Njambi.
VYUMA VIKWAVO VITWATHA KULILONGETHA MU MBIMBILIYA
Vulombelo vunapande kulongetha vuthunga vwa mu Mbimbiliya mangana vuthzivithe Njambi kuvwaha.—Yowano 4:23, 24.
Vulombelo vuje vukalongetha vithinganyeka vya vanu kuvwethi na theho. —Mako 7:7, 8.
Kwapwa kwa theho kukala mu vulombelo ndi?
MUKUMBULULA VATI?
Eyo
Embwe
Yanini
VIYENDEKA MBIMBIMBILIYA
“Tuliyongoleni umo na mukwavo na kulikwatha umo na umo na kumwetha chithzemo na kulinga mwamuvwa. Kethi tulikele kulikungulula hamo lika.” (VaHevelu 10:24, 25) Njambi ashaka ngwendi vaka-kumulemetha valikungulule hamo lika kupwa mbunga ya kulikwatathana.
VYUMA VIKWAVO VITULILONGETHA MU MBIMBILIYA
Vaje valemetha Njambi hamo lika vanapande kulitombola mu kukulahela.—1 Kolinte 1:10, 11.
Vaje vali mu vulombelo vwanatavetha Njambi vapwa vandolome va mu kaye mwoshe.—1 Petulu 2:17.