Mbimbiliya imwesa ngwayo banu boshe banapu baka-bubi. Tunatambula bubi ku munu wakulibanga Adama. Ngeci, bisimbu bimo tukalingi byuma byabibi bitunasa kulibeya lalo. Yesu Kristu Muna Njambi wafwetelele bubi bwetu omwo watutsililile. Ndando yendi ya kupatula inalingisa Njambi ase kutukonekela bubi bwetu. Inapu bwana bwa kutunda kuli Njambi.—Tandeni Loma 3:23, 24.

Bamo banalingi bubi bwakama, co bakasinganyeka ngwabo hamo Njambi kasa kubakonekela. Lijwi lya Njambi ngwalyo: “Maninga a Yesu, Munendi, atujelesa ku bubi bwoshe.” (1 Yowano 1:7) Nga twalilula na kutenguluka, Yehova asa kutukonekela nameme nga twalingi bubi bwakama.—Tandeni Isaya 1:18.

Nga tutonda ngwetu Yehova Njambi atukonekele, tunapande kulilongesa byendi, kuzibisisa mwamubwa bingila byendi, binangulo byendi nebi byatonda ngwendi tulinge. (Yowano 17:3) Yehova akakonekela baje bananguka ngwabo banalingi bubi, co bashaka kutenguluka.—Tandeni Vilinga 3:19.

Kuzibisa Njambi kubwaha ku mbunge kukwapwile cuma cacikalu manene. Yehova azibisisa buzeye bwetu. Wakala na ngozi na mema ku mbunge. Kuma ebi bifwa byabibwa byakala nabyo kubimilingisa mushake kuzibuka byuma bikwabo bimwasa kulinga bije bimuzibisa kubwaha ku mbunge ndi?—Tandeni Myaso 103:13, 14.