Vika Viyendeka Mbimbiliya?
Kuma hano hathi tangwa hakakala kuthompa mu vuthunga vene ndi?
Mukumbulula vati?
Eyo
Embwe
Mpamo
Viyendeka Mbimbiliya
“Shukulu Kalunga njathzivuka ngwange yove ukamena tuhutu, na kwimanena vuthunga vwa vaje vanajeneka.” (Myatho 140:12) Vumwene vwa Njambi vukevwo vukathungametha vyuma vyoshe hano hathi.
Vyuma muka vikwavo vitulilongetha mu Mbimbiliya?
Njambi ali na kumona vilinga vya kuhenga vili hano hathi, cho ololo avitundithako.—Muka-kwambulula 5:8.
Kuthompa mu vuthunga kwa Njambi kukanena kwoloka, cho vyuma vikakala mwamuvwa hano hathi.—Isaya 32:16-18.
Kuma Njambi wakala na kahangu ndi?
Vanu vamo vatava ngwavo Njambi navethzikitha vanu vamo na kuthinga vakwavo. Vamo cho vatava ngwavo Njambi kethi na kahangu. Yeni muthinganyeka vati?
Viyendeka Mbimbiliya
“Njambi kethi na kahangu. Oloni woshe amukomoka na kulinga vije vyavivwa vakamutambula kuli ikeye.” (Vilinga 10:34, 35) Njambi wamona vanu voshe kupwa vatheho.
Vyuma muka vikwavo vitulilongetha mu Mbimbiliya?
Mu Mbimbiliya muli “viñanda vyavivwa” vivanapande kuthziva ‘vaka-mafuti oshe na miyati yoshe na vindaka vyoshe na vanu voshe.’—Kujombolola 14:6.
