BAKA-KUKWASA Baka-kukwasa bali na cipangi ca kukwasa banu boshe baje baija ku ciwano. Tumilomba ngwetu mupangele hamo nabo na kukabangeya byuma bibamileka kukundama ku kwimika minyau, mwakwendela, mwakuwanena ha kutumbama na bikwabo.

CIMBWITIKO Bitwamo bya baje baya ku cimbwitiko bikakela kulutwe lwa butenda. Baje baya ku cimbwitiko banapande kutumama mu mwela ubanababwahesela simbu kanda ñanda ya cimbwitiko ishangumuke, ha litangwa lya mu cibali mutondo. Munu na munu napande kuya na litwai nambe nanga yendi na kwambata bizalo bya kumumbwitika nabyo bije bimwesa kasingimiko.

BWANA Banabwahesa makina a cilumo na makina a mavidio na byuma bikwabo bije bilingisa ciwano cende mwamubwa na kutukwasa tulikute busamba na Yehova. Bwana bweni bwa kulishakela bukebo bukwasa mu kufwetela byuma byoshe ebi na kukwasa lalo mu cipangi ca mu kaye koshe. Kuli bikasha bya mwa kulambwila mu mitambela ya kuliseza-zesa ya mwela wa ciwano. Mwasa lalo kulambwila ha intaneti, kupangesa mutamba wa donate.pr418.com. Bwana bwoshe buli na kukwasa manene. Cibunga ca Kutwamenena cili na kukandelela kuli yeni mwafwa muli na kukundwiya Bumwene bwa Njambi.

KUSAKA Zibukeni ngweni baje babinja mu cishitukila bakebo lika babasaka.

BYUMA BYA KUZIMBALA Byuma byoshe bimwalula munapande kubitwala ku Dipatimenti ya Byuma bya Kuzimbala. Nga munazimbalesa byuma bimo, co yeni ku dipatimenti ei mangana mukamone indi kubili. Banike baje banazimbala munapande kubatwala ku dipatimenti ei. Ngeci, tumilomba ngwetu munyungilile bana beni mangana keti bazimbale.

KUTUMAMA Tumilomba ngwetu mwake bakweni mu bisinganyeka. Mwasa kunyungila lika mwela baka-naanga yeni, baje bamuli na kwendelela hamo nabo nambe baje bamuli na kulilongesa nabo Mbimbiliya. Tumilomba lalo ngwetu keti mwake byuma ha myela ya kutumama haje habanapande kutamama bakweni.

BIPANGI BYA KULISHAKELA Nga mushaka kukwasa mu bipangi bya ha ciwano, co yeni ku Dipatimenti ya Mizimbu na Dipatimenti ya Bipangi bya Kulishakela.