Majwi Kuli Vithemi

Vwana muka vwavuvwa vumwatha kwana vana veni? Kuli vyuma vyavingi vivashaka. Vashaka kuvathzema na kuvatwamenena na kuvanyunga. Oloni vwana vwakama manene vumunatha kuvana vunapu kuvalongetha vya Yehova na vuthunga vwa mu Lijwi lyendi. (Yowano 17:3) Kulongetha vana veni evi vyuma kuvakwatha kuthzema manene Yehova. Cho vamupangela na vimbunge vyavo vyoshe omwo vachili vanike.—Mateo 21:16.

Vithemi vamo vamona ngwavo vanike kuvashakele kuvalongetha vyuma vyavingi. Ngechi tunavwahelela manene kutuhwitha eyi mbuloshuwa ya Vinjililongetha mu Mbimbiliya. Vilongetha vyoshe vilimo vinapu vyavyathi. Vikupulo na viñanda vivanathonekamo, vanavivwahethela vanike va myaka itatu na kwiluka mwithi. Vanathonekamo lalo na vyuma vimunapande kulinga. Eyi mbuloshuwa kethi ya kwethetha. Oloni munapande kuyitanda hamo lika na vana veni mangana vethzilile kuthimutwiya neni.

Twakulahela ngwetu eyi mbuloshuwa imikwatha manene kulongetha vana veni kutunda “ku vwanike” vwavo.—2 Timateo 3:14, 15.

Yetu vandolome veni,

Mbunga ya Kutwamenena ya Vakaleho va Yehova