Muthzimbu wa Vaka-kuya ku Chiwano
CHIWANO CHA KULITILA
CHIWANO CHA KULITILA SIKOLA YA VAKA-KWAMBULULA VYA VUMWENE Vapainiya va myaka ya kuthemuka ya mukati ka 23 kutwala ku 65 vaje vashaka kuvwethzelela ku chipangi chavo cha kwambulula, vanavalanya ku chiwano cha vaje vashaka kuya ku Sikola ya Vaka-kwambulula vya Vumwene ha litangwa lya mu chitatu mutanya. Vakamileka mwamuvwa thimbu na mwela kuchikakela echi chiwano.
MUTHZIMBU WA VAKA-KUYA KU CHIWANO
VAKA-KUKWATHA Vaka-kukwatha vanavana chipangi cha kukwatha vanu voshe vaje vaija ku chiwano. Tumilomba mupangele navo hamo na kukavangeya vyuma vivamileka kukundama kwa kukundika minyau na mwakwendela na mwakuwanena ha kutumbama na vyuma vyeka vya chifwa echi.
CHIMBWITIKO Vitumbamo vya vaka-kuya ku chimbwitiko vikakela kulutwe lwa vutenda. Vaje vaya ku chimbwitiko vanapande kutumbama hamo mu mwela uvanavavwahethela thimbu kanda ñanda ishangumuke ha litangwa lya mu chivali na mutondo. Munu na munu napande kuya na litwai lyendi na vithzalo vije vimwetha kathingimiko.
MILAMBU Vanavwahetha makina a vilumo na makina a mavindiyo na vyuma vyeka lalo vije vilingitha chiwano chende mwamuvwa na kutukwata tulikute vuthamba na Yehova. Milambu imwana ikeyo ivapangetha mu kufwetela vyuma vyoshe evi na kukwatha lalo ku chipangi cha mu kaye koshe. Vanavwahetha vikasha na kuvitumbika ku myela ya kulithzethathzetha hano ha chiwano. Milambu yeni imwakamo vaipangetha mwamuvwa. Vandolome va mu Chivunga cha Kutwamenena vali na kumikandelela manene ha milambu yeni imuli na kwana mu kukundwiya vya Vumwene.
KUTHAKA Thzivukeni ngweni vaje vavinja MISHONGO YA CHISHITUKILA vakevo lika vavathaka.
VYUMA VYA KUTHZIMBALA Vyuma vyoshe vije vimwalula munapande kuvitwala ku Ndipatimende ya Vyuma vya Kuthzimbala. Nga munathzimbaletha vyuma vimo, cho yeni ku ndipatimende eyi mangana mukawaneneko vyuma vyeni. Vana vaje vanathzimbala munapande kuvatwala ku ndipatimende eyi. Ngechi, tumilomba munyungilile vana veni kutewa mwana vakweni chipangi nga vathzimbala.
KUTUMBAMA Tumilomba mutetele vakweni. Mwatha kunyungila mwela wa nanga yeni lika na vaje vamwija navo hamo na vaje vamuli na kulilongetha navo Mbimbiliya. Tumilomba lalo ngwetu kethi mutumbike vyuma mu myela ije ili kuyehi neni.
VIPANGI VYA KULISHAKELA Nga mushaka kukwatha mu vipangi vya ha chiwano, cho yeni ku Ndipatimende ya Vipangi vya Kulishakela na Ndipatimende ya Mithzimbu.
Vanachivwahetha ku Chivunga cha Kutwamenena cha Vakaleho va Yehova
