Yesu kaliwanene na bukalu na bishoti byabingi bibakaliwana nabyo banu mwafwa wapwile wa kulumbunuka. Nameme ngoco, wazibilile banu mema ku mbunge. Walyanene kukwasa banu na kubalingila byuma bibatondele, nameme bije kubabandamenene. Cili bene, Yesu wakele na mema ku mbunge mukemwo wakwasele banu. Taleni Capita 32, 37, 57, na 99 mangana mumone mwalingilile ngoco.

Banu babangi, ipwe bakulunu nambe banike bakele na kuliziba kuzituka kusimutwiya na Yesu mwafwa kalimwesele ngwe wapwa wa kuzezama manene nambe ngwe wa seho manene. Banu bakele na kuliziba kuzituka kukala nendi mwafwa banangukile ngwabo wabaka mbunge. Taleni Capita 25, 27, na 95 mangana mumone mwalingilile ngoco.

Yesu wakele na kulombela kuli Ishe kutundilila kwisi ya mbunge kwalikalyendi nambe oku ali na bangamba ba Njambi. Co wakele na kulombela ha bisimbu byabingi keti ha simbu ya kulya lika. Wakele na kulombela kuli Ishe mangana amukandelele, kumushangazala nambe kumulomba bukwasi simbu kanda angule byakulinga. Taleni Capita 24, 34, 91, 122, na 123 mangana mumone mwalingilile ngoco.

Bisimbu bimo Yesu walyanene kukwasa bakwabo ha simbu yapandele kuhwima nambe kulishubulwisa. Kakele mbunge ku byendi lika. Mwalingile ngoco, watumwesele mwanja waubwa utunapande kukabangeya. Taleni Capita 19, 41, na 52 mangana mumone mwalingilile ngoco.

Yesu kalongesele lika banu ngwendi bapwe baka-kukonekela. Nendi wakele na kukonekela bandongesi bendi na banu beka. Taleni Capita 26, 40, 64, 85, na 131 mangana mumone mwalingilile ngoco.

Bupolofweto bwamwesele ngwabwo Bayunda babangi bakabyana Mesiya, co bitozi bendi bakamutsiya. Ngeci, ngwe Yesu washakele, ngwe walingilile banu byuma byabindondo lika. Oloni wakundwiiye kulemesa kwa busunga na ntwima. Co wamwesele baka-kumukabangeya mwanja waubwa. Nabo banapande kukala na ntwima nameme banu babalwisa nambe kubyana muzimbu wabo. Taleni Capita 16, 72, na 103.

Yesu nalisezela kulako na banu ba kujeneka kulumbunuka mu bingila byabingi. Cakumwenako, azibuka byuma byabingi, co wakala na mana manene kutubakana banu. Ha kupwa munu wa kulumbunuka, Yesu wakele na cashu ca kusinganyeka na kulinga byuma mu ngila ya kuliseza na munu woshe-woshe. Oloni walikehesele na kupangela bakwabo. Taleni Capita 10, 62, 66, 94, na 116 mangana mumone mwalingilile ngoco nebi bitulilongesako.

Yesu wakwatele mbunge ha bisimbu byabingi omwo bandongesi bendi na banu beka bonowele kumutembwinina nambe kulinga byabalekele. Welukilile-elukilile kubalongesa bilongesa bije byasele kubakwasa bashwenye kuli Yehova. Taleni Capita 74, 98, 118, na 135 mangana mumone mwamweselele ngwendi wakele na kukwata mbunge.