Mwanja wa mu Mbimbiliya uje wasa kumikwasa:

• Eke 12:1-8—Mwene Solomoni wendekele mu bisimo bukalu bubakaliwana nabwo tukulukazi bwa kufwa ngwe kutsitsibala mesho na kujeneka kuziba mwamubwa. Wendekele ngwendi, ‘Banakazi bakatala ha binjanena bakamona lika lisusulungu. Wendekele lalo ngwendi, ‘Bambanda boshe bakembila myaso mwisi’

Myanja ya mu Mbimbiliya ije yasa kumikwasa:

• 1Sa 12:2, 23—Nameme ha simbu yakulubalele, kapolofweto Samwele wamwene ngwendi kwapwile kwa seho kutwalelelaho kulombelela banu ba Yehova

• 2Sa 19:31-39—Mwene Devidi wakandelelele manene kuli kakulukazi Bazilai uje wamukwasele, co Bazilai wabyanene mu kasingimiko mubashakele kumwana cipangi cibapandele kupanga baje bali na nzili

• Sm 71:9, 18—Mwene Devidi mwakulubalele walishoshomwenene ngwendi hamo Yehova alikela kumupangesa. Ngeci, walombele Yehova ngwendi amwane nzili ya kulongesa baje bacikele na kwija munima yendi

• Luk 2:36-38—Njambi wabezikisile kapolofweto wa munakazi Ana uje wapwile kakulukazi mwafwa walyanene kumupangela mu kulongwa

 Myanja ya mu Mbimbiliya ije yasa kumikwasa:

• Gen 12:1-4—Abrahamu mwakele na myaka 75, Yehova wamwanene cipangi cije camulingisile aseze limbo lyendi na kukayoya kweka mu buyoye bwendi bwoshe

• Dan 10:11, 19; 12:13—Kangelo wezile kuli kapolofweto Daniele uje wakele mu myaka ya ma 90 na kumuleka ngwendi Yehova wamumwene kupwa wa seho, co akamubezikisa mwafwa ya kulongwa kwendi

• Luk 1:5-13—Yehova wabezikisile Zakaliya na mwebwendi Elizabethi omwo walingile cikomokeso ca kubalingisa bakite mwana wa munalume Iwano mu bukulukazi bwabo

• Luk 2:25-35—Yehova wabezikisile kakulukazi Simyoni ha kumulingisa amone mbututu uje wakupwile Mesiya na kumulingisa apolofwete byuma bimo kutalesa kuli Yesu

• Bili 7:23, 30-36—Mosesa wakele na myaka 80, Yehova mwamwanene cipangi ca kutwamenena banu bendi baIsalele

Myanja ya mu Mbimbiliya ije yasa kumikwasa:

• Gen 45:9-11; 47:12—Jozefu washikile ngwendi bakamwambatele ishe Jakobu uje wakulubalele mangana akukale nendi, co watwaleleleleho kumunyunga kweta na ha kutsa kwendi

• Rut 1:14-17; 2:2, 17, 18, 23—Ruthi wakwasele Naomi uje wakulubalele na kumuzembeleka

• Iwa 19:26, 27—Yesu mwakele hayehi na kutsa, walekele Iwano ngwendi anyunge ina uje wakolele