Kulinga Byuma mu Kulongwa
Kulinga byuma mu kulongwa kulumbununa bika?
Sm 18:23-25; 26:1, 2; 101:2-7; 119:1-3, 80
-
Myanja ya mu Mbimbiliya ije yasa kumikwasa:
-
Lev 22:17-22—Yehova washikile ngwendi bimuna babalambula banu bapwe ‘ba kujeneka kapenga,’ nambe ba mutunu. Endekesi ya ‘kujeneka kapenga’ ishaka kulifwa na lijwi lya Cihebelu libananungulula ngwabo ‘kulinga byuma mu kulongwa.’ Kumwesa ngwabo kulinga byuma mu kulongwa kunambateselela kupangela Yehova na mbunge yetu yoshe nambe ngwetu kulyana kumupangela mu kushula
-
Yom 1:1, 4, 5, 8; 2:3—Buyoye bwayoyele Yombi bumwesa ngwabwo munu alinga byuma mu kulongwa nga asingimika Yehova, kumulemesa na mbunge imolika na kujeneka kulinga byuma byazinda
-
Mwafwa bika tunapande kulinga byuma mu kulongwa?
Bika bitulingisa tushake kutwalelelaho kulinga byuma mu kulongwa?
1Ko 29:17; Pro 2:7
Taleni lalo Pro 27:11; 1Iw 5:3
Twasa kulinga bati byuma mu kulongwa na kutwalelelaho kulinga ngoco?
Jos 24:14, 15; Sm 101:2-4
Taleni lalo Det 5:29; Isa 48:17, 18
-
Myanja ya mu Mbimbiliya ije yasa kumikwasa:
-
Yom 31:1-11, 16-33—Yombi wamwesele ngwendi washakele kulinga byuma mu kulongwa mu kuyoya kwendi kwoshe ha kujeneka kulikobelesa mu bupangala na kumwesa bakwabo mema ku mbunge na kubasingimika. Walemesele lika Yehova keti tumponya, co lalo wamwene busamba bwendi na Njambi kupwa bwa seho manene kutubakana bufuko
-
Dan 1:6-21—Nameme bakele mukati ka banu baje kubalemesele Yehova, Daniele na babusamba bendi batatu batwaleleleleho kulinga byuma mu kulongwa nameme ha kwangula byakulya
-
Kuma munu asa kumwesa lalo ngwendi ali na kulinga byuma mu kulongwa nameme munima ya kulinga bubi kushwa kumo ndi?
-
Myanja ya mu Mbimbiliya ije yasa kumikwasa:
-
1Bi 9:2-5; Sm 78:70-72—Yehova wamwene Mwene Devidi kupwa munu uje washakele kulinga byuma mu kulongwa mwafwa watengulukile ku bubi bwendi, co wamukonekelele
-
Isa 1:11-18—Nameme Yehova walekele banu bendi ngwendi bakele na mulonga wa kulinga bubi, wabalekele lalo ngwendi abakonekela nga batenguluka na kwecela kulinga byuma byabibi
-
Hamo Mushaka Lalo Ebi
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
