Myanja ya mu Mbimbiliya ije yasa kumikwasa:

• 1Bi 19:1-18—Kapolofweto Eliya mwaliwanene na mapakeso walekele Yehova mwoshe mwalizibilile, co wamuzembelekele na kumutakamesa

• Bil 7:9-15—Bandolome ba Jozefu bamulingile mwamubi. Oloni Yehova watwaleleleleho kupwa wa kulongwa kuli ikeye na kumwobola, co wamupangesele mu kwobola naanga yendi

 Myanja ya mu Mbimbiliya ije yasa kumikwasa:

• 2Bi 18:17-35—Labushake uje wapwile muka-kwendekela mwene wa Asiria, washawile Yehova na kushendumuna banu ba mu Jelusalema

• Luk 22:63-65; 23:35-37—Baka-kuyandesa Yesu bamushawile na kumushendumuna mubamukutile na kumupameya ha citi ca kuyandesela

Myanja ya mu Mbimbiliya ije yasa kumikwasa:

• Bil 7:57–8:1—Cibunga cimo ca banu muje mwakele na Saulu wa ku Tasasi mucakele na kutsiya Setefano, Setefano walombelele kuli Yehova mangana atetele baje bakele na kumupakesa

• Bil 16:22-34—Nameme ngwabo kapositolo Paulu bamupupile na kumwaka mu tukunju, wamwesele ngozi uje wamukutile. Ngeci, uje munalume hamolika na naanga yendi yoshe bapwile baka-Kristu

 Myanja ya mu Mbimbiliya ije yasa kumikwasa:

• 2Ko 32:1-22—Mwene Senakeribu mwaile na maswalale babangi mu kulwisa Jelusalema, Mwene Hezekiya uje wapwile wa kulongwa wakulahelele Yehova na kukanyamesa banu. Co Yehova wamubezikisile manene

• Heb 12:1-3—Baje bayandesele Yesu bashakele ngwabo azibe shwamwa, oloni kecelelele byuma bibalingile kumuzeyesa

Myanja ya mu Mbimbiliya ije yasa kumikwasa:

• Yom 1:6-22; 2:1-10—Yombi kazibukile ngwendi Satana ikeye wakele na kumunenela tuyando twakele na kuliwana natwo. Nameme ngoco, watwaleleleleho kupwa wa kulongwa kuli Yehova. Ngeci, wamwesele ngwendi Satana wapwa muka-makuli

• Dan 1:6, 7; 3:8-30—Hananiya, Mishaele na Azariya (Shadreki, Meshaki na Abedinego) baje bapwile ba kulongwa balyangwilile kubatsiya kutubakana kupokola mashiko a Yehova. Byuma bibalingile byalingisile Mwene Nebukadineza uje kalemesele Yehova amwane bumpau hakati ka mbunga

Myanja ya mu Mbimbiliya ije yasa kumikwasa:

• Bil 11:19-21—Baka-Kristu baje bashandokelele mu mitambela yaingi mwafwa ya mapakeso batwaleleleleho kwambulula muzimbu waubwa mu mitambela ikwabo yaingi

• Flp 1:12, 13—Kapositolo Paulu wabwahelelele mwafwa banu babangi bazibile muzimbu waubwa mwafwa ya kumwaka mu kamenga

Myanja ya mu Mbimbiliya ije yasa kumikwasa:

• Bil 19:24-29—Banu bamo ba mu Efeso baje bakele na kupanga tumponya twa binjambi ba makuli bamwene ngwabo muzimbu ubakele na kwambulula baka-Kristu ubonowesa kuwana bimbongo. Ngeci, babapakesele

• Gal 1:13, 14—Simbu kanda Paulu (Saulu) apwe muka-Kristu, wakele manene na ntwima mu bulombelo bwa baJuda. Ngeci, wayandesele manene baka-Kristu