Njambi ashaka ngwendi tukayoye mu kwoloka na kubwahelela mu paladaisi hano hasi myaka yoshe.

Hamo mwasa kulihula ngweni, ‘Oku kwasa kulingiwa bati?’ Mbimbiliya ngwayo Bumwene bwa Njambi bukebwo bukalinga ebi byuma. Co lalo Njambi ashaka ngwendi banu balilongese bya Bumwene bwendi na byuma byanayongola kutulingila kulutwe.—Myaso 37:11, 29; Isaya 9:7.

Njambi ashaka ngwendi tukale mwamubwa.

Cisemi washaka ngwendi bana bendi bakale mwamubwa. Mu ngila imolika, Tate yetu wa mwilu ashaka ngwendi tubwahelele simbu yoshe. (Isaya 48:17, 18) Natukulahesa ngwendi “baje balinga cizango ca [cendi] bakayoya myaka yoshe.”—1 Yowano 2:17.

Njambi ashaka ngwendi twende mu bingila byendi.

Mbimbiliya ngwayo Ishamatanga yetu ashaka ‘kutulongesa bingila byendi’ mangana “twende mu bingila” byatulongesa. (Isaya 2:2, 3) Yehova nangula banu na kubaluka lizina lyendi mangana baleke bakwabo cizango cendi mu kaye koshe.—Vilinga 15:14.

Njambi ashaka ngwendi tulikwatasane hamo mu kumulemesa.

Kulemesa Yehova mu busunga kuli na kukwatasanesa banu hamolika, keti kubangununa embwe. (Yowano 13:35) Beya ano matangwa bali na kulongesa banu mu kaye koshe mangana balikwatasane mu kupangela Njambi? Tumilanya ngwetu mutande eli libulu mangana muwane cikumbululo.