Twakandelela manene ha kuwana simbu ya kulilongesa eli libulu. Munazibukoni mwamubwa mubafwila Bakaleho ba Yehova, munazibuka bipangi byetu, nomwo muili na kupangela munga yetu. Twakulahela ngwetu eli libulu linamikwasa kumona ngweni yetu tuli na kulinga cizango ca Yehova ano matangwa. Tumilomba ngwetu mutwale lutwe kulilongesa bya Njambi, kulekako banu ba mu naanga yeni na babusamba beni bimuli na kulilongesa. Co lalo likwatasaneni netu simbu yoshe ku biwano byetu baka-Kilistu.—Vahevelu 10:23-25.

Nga mulilongesa manene bya Yehova, mumona ngweni Yehova wamizema manene. Oku kumishongangeya mulinge mumwasela mwoshe kuzema Yehova. (1 Yowano 4:8-10, 19) Oloni mumwesa bati ngweni mwazema Njambi mu buyoye bweni? Bika bimunapande kwononokela mashiko endi? Co bika bimikwasa mulikwatasane netu mu kulinga cizango ca Njambi? Mulongesi weni amikwasa muwane mubanakumbulwila ebi bihula. Oku kumikwasa hamolika na naanga yeni ‘mutwaleleleho kuzema Njambi omwo mubandamena kuyoya kwa myaka yoshe.’—Yunda 21.

Tumilomba mutwaleleleho kwenda mu busunga ha kulilongesa eli libulu libanamwesa mwisi . . .