Nga mushaka kunyunga vuthamba na mukweni, munapande kuthimutwiya-thimutwiya nendi. Munapande kumutolilila, nendi napande lalo kumitolilila. Munapande kuleka vakweni vuvwa vwa kavuthamba keni. Omwo mukemwo muchafwila kupwa vavuthamba va Njambi. Taleni viyendeka Mbimbiliya ha chuma echi:

Endekeni na Yehova mu lilombelo thimbu yoshe. “Lombeleni simbu yoshe.”—Loma 12:12.

Tandeni Mbimbiliya, Lijwi lya Njambi. “Omwo Visoneka vyoshe Njambi wahwinininemo ngeci vili na seo mukulongesa vushunga, na mukwendekela, na mukushungamesa.”—2 Timateo 3:16.

Longetheni vakweni vya Njambi. “Ngeci vene, yeni oni ku miyati yoshe ya vanu nakuvapwisa vandongisi vange, . . . Co valongeseni kwononoka vyuma vyoshe vije vinjamishiki.”—Mateo 28:19, 20.

 Shweneni muyehi na vavuthamba va Njambi. “Uje enda na vaka-mana apwa muka-mana lalo.”—Visimo 13:20.

Yeni nakukunguluka ku Njuvo ya Vumwene. “Tuliyongoleni umo na mukwavo nakulikwasa umo na umo nakulimwesa cizemo nakulinga mwamuvwa, . . . tulikoleseni umo na mukwavo.”—VaHevelu 10:24, 25.

Kundwiyeni chipangi cha Vumwene. “Umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.”—2 Kolinte 9:7.