Lombela na kulibwaesela mwamubwa. Lombela kuli Yehova akukwase kwaka mana ha muzimbu uwendeka, keti hali yobe babenya. Zibuka bisimpi byakama biushaka kwendeka. Byendeke mu majwi obe, keti kutanda lijwi limo na limo ngwe mubanabisonekela mu mukanda.

Endeka kutundilila kwisi ya mbunge. Lihule ngwobe, ‘Bika binjishaka banu bananguke ku ñanda yange?’ Bake mu bisinganyeka. Oku kukukwasa wimane bwino na kupangesa bilyo bya mubila na ku mesho mu ngila ije imwesa ngwayo wabaka mbunge, co wabazema.

Tala banu bauli na kwendeka nabo. Tala banu bawendeka nabo nga kulinga ngoco kucimwesa ngwabo uli na likamba. Omwo wendeka ñanda yobe, kenga munu umo na umo, kutubakana kwitisa lika mesho ha cibunga coshe.