Angula majwi akama. Munima ya kutanda cisoneka, angula majwi aje amwesa simpi yakama. Wasa kulinga ngoco ha kwilukila kutanda owo majwi, nambe kwihula cihula cije cilingisa baje bakutolilila bendeke owo majwi akama.

Kanyamesa simpi iushaka banuke. Nga unatumbula cisoneka na kumwesa biucitandela, co lumbununa muwanalitabasanena majwi akama ali mu cisoneka.

Lumbununa bisoneka mu ngila yayasi. Keti wendeka byuma bije bitanganesa banu kumona simpi yakama. Banga kunanguka bibazibuka banu ha ñanda iuli na kwendeka na bubwa bwa simpi iushaka kubaleka. Oku kukukwasa wangule byuma biunapande kwendeka mangana baje bakutolilila bazibisise ñanda.