CILONGESA 06
Kuyoya Kwashangumukile Bati?
Njambi ikeye “watangele byuma byoshe.” (Kujombolola 4:11) Kuma neni mwakulahela ngoco ndi? Banu bamo bakendeka ngwabo byuma bya kuyoya byalizilile lika, wahi wabitangele. Oloni ngwe byuma byalizilile lika, ngwe netu twalizilile lika. Oloni nga Yehova Njambi ikeye watutangele, co kuli bimo byatutangelele. a Mbimbiliya imwesa ngwayo kuyoya kwashangumukile bati? Bika bitulingisa tuikulahele?
1. Lilu na kaye byezile bati?
Mbimbiliya ngwayo: “Ha kulibanga, Njambi watangele lilu na kaye.” (Kushangumuka 1:1) Baka-sayansi babangi nabo bataba ngwabo lilu na kaye bili noho habyashangumukilile kukalako. Co Njambi wabitangele bati? Wapangesele sipilitu ya kujela ije yapwa nzili yendi mu kutanga byuma byoshe bije binambateselela na bingongonosi na milalabizi na mapulaneti.—Kushangumuka 1:2.
2. Njambi watangelele bika lifuti-libu?
Yehova ‘katangele lifuti-libu ngeci lipwe ngwe mambo embwe, oloni hapwe ha kuyoya banu.’ (Isaya 45:18) Watangele lifuti-libu mwamubwa mangana banu bayoyeho myaka yoshe. (Tandeni Isaya 40:28; 42:5.) Baka-sayansi banawana ngwabo lifuti-libu lyaliseze na mapulaneti akwabo. Banu kubasa kuyoya ha pulaneti yeka kubanga ha lifuti-libu.
3. Banu banaliseze bati na tusitu?
Yehova mwamanesele kutanga lifuti-libu, watangele lalo na byuma bya kuyoya mangana biyoyeho. Watangele bimena na tusitu. Kutundaho, “Njambi watangele munu mu cifwa cendi.” (Tandeni Kushangumuka 1:27.) Banu banaliseze bati na byuma bikwabo byatangele Njambi? Twasa kukala na bifwa byabibwa bya kufwa ngwe cizemo na kulinga byuma mwamubwa mwafwa Njambi watutangele mu cifwa cendi. Watutangele na cashu ca kwasa kulilongesa bindaka, kuyongola na kuziba byuma, na kulikuwa myaso. Co lalo, yetu banu twasa kulemesa Ishamatanga, oloni tusitu kubasa kulinga ngoco.
TONDESESENI
Bukaleho muka bumwesa ngwabwo byuma bya kuyoya babitangele? Bika bitulingisa tukulahele biinendeka Mbimbiliya? Bifwa byabibwa bibakala nabyo banu bimwesa ngwabyo Njambi wafwa bati?
4. Byuma bya kuyoya babitangele
Banu bakabashangala mubakapanga byuma byabo bibanatembwinina ku byuma bya kutanga. Co iya watangele byuma bibakatembwinina banu uje itunapande kushangala? Kengeni VIDIO na kusimutwiya ha cihula cinatako.
-
Banu banatembwinina byuma muka bya kutanga?
Njibo na njibo kuli umo waitungile. Co iya walingile byuma byoshe? Tandeni Vahevelu 3:4, na kusimutwiya ha bihula binatako:
-
Byuma muka bya kutanga bikamizibisa kubwaha?
-
Bika bimilingisa mukulahele ngweni lilu na kaye na byoshe byakalamo babitangele?
Muzibuka ndi?
Mwasa kuwana biñanda bikwabo na mavidio aje endeka ha ñanda ei ha jw.org, ha mutwe wa “Byalizilile Indi Babitangele?” nou wa “Banu Bakendeka Ngwabo Kuyoya Kwashangumukile Bati?”
“Mwa busunga, njibo yoshe baitunga kuli munu, oloni Njambi ikeye muka-kutunga byuma byoshe”
5. Mbimbiliya inendeka busunga ha byuma bya kutanga
Mukanda wa Kushangumuka capita 1 unendeka mubatangelele lifuti-libu na byuma byoshe biliho. Kuma biinendeka Mbimbiliya bya kulisinganyekela indi bya busunga? Kengeni VIDIO na kusimutwiya ha bihula binatako.
-
Kuma Mbimbiliya imwesa ngwayo lifuti-libu na byuma biliho babitangele mu matangwa 6 a maola 24 ndi?
-
Yeni mumona bati, kuma biinendeka Mbimbiliya ha byuma bya kutanga bya busunga ndi? Mwafwa bika?
Tandeni Kushangumuka 1:1, na kusimutwiya ha cihula cinatako:
-
Baka-sayansi bakendeka ngwabo lilu na kaye bili noho habyashangumukilile kukalako. Bibanendeka byalitombola bati nebi biyendeka Mbimbiliya?
Banu bamo bakasinganyeka ngwabo Njambi watangele cuma cimo cije catengulukile na kupwa byuma bya kuliseza-seza. Tandeni Kushangumuka 1:21, 25, 27, na kusimutwiya ha cihula cinatako:
-
Kuma Mbimbiliya imwesa ngwayo Njambi watangele cuma cimo ca kuyoya mangana ciye na kulitengulula na kupwa bisi, tusitu na banu, indi watangele “miyati” yoshe ya byuma bya kuyoya?
6. Banu banaliseze na byuma bikwabo byanatanga Njambi
Yehova watutangele mu ngila ya kuliseza na tusitu. Tandeni Kushangumuka 1:26, na kusimutwiya ha cihula cinatako:
-
Bifwa byatutangele nabyo Njambi bya kufwa ngwe cizemo na mema ku mbunge bimwesa ngwabyo Njambi wafwa bati?
BAMO BAKENDEKA NGWABO: “Biñanda bya mu Mbimbiliya bije bimwesa ngwabyo byuma babitangele byapwa bya kulisinganyekela lika.”
-
Yenico mumona bati? Mwafwa bika?
SIMPI YAKAMA
Yehova ikeye watangele lilu na kaye na byuma byoshe bilimo.
Kwitulukamo
-
Mbimbiliya imwesa ngwayo lilu na kaye byezile bati?
-
Kuma Njambi watangele cuma cimo ca kuyoya mangana ciye na kulitengulula na kupwa byuma bya kuliseza-seza, indi watangele byuma byoshe?
-
Banu bapwa bati ba kulitila?
WANENI BIKWABO
Tandeni biñanda bije bimwesa ngwabyo byuma babitangele.
“Bika Bitulilongesa ku Byuma bya Kutanga?” (Toneni! ya September 2006)
Kengeni vidio ije imwesa cisemi alumbunwina munendi biñanda bya mu Mbimbiliya bije bimwesa ngwabyo byuma babitangele.
Kuma cilongesa cije cimwesa ngwaco byuma byalizilile nebi biyendeka Mbimbiliya byoshe bya busunga ndi?
a Mu cilongesa 25, tusimutwiya byatutangelele Njambi.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
