CILONGESA 13
Bulombelo bwa Makuli Bunabiisa Njambi Lizina
Njambi wakala na cizemo. Oloni bulombelo bwabwingi buli na kulinga byuma byabibi. Mwafwa bika? Mwafwa bunapu bwa makuli, co buli na kumubiisa lizina. Mu ngila muka? Njambi akalizibi bati? Co bika byakalinga?
1. Bilongesa bya bulombelo bwa makuli byamwesa ngwe Njambi kakele na cizemo
Bulombelo bwa makuli ‘bunabyana kukulahela busunga bwa Njambi, co bunakulahela makuli.’ (Loma 1:25) Cakumwenako, bulombelo bwabwingi kubwesi na kulongesa lizina lya Njambi. Oloni Mbimbiliya imwesa ngwayo banu banapande kupangesa lizina lyendi. (Loma 10:13, 14) Mukukasholoka bukalu, bantwama bamo ba bulombelo bakendeka ngwabo cinapu cizango ca Njambi. Oloni owo anapu makuli. Njambi keti ikeye akanene byuma byabibi. (Tandeni Yakomba 1:13.) Ebi bilongesa binangununa banu kuli Njambi.
2. Bilinga bya bulombelo bwa makuli byamwesa ngwe Njambi wapwa wamubi
Bulombelo bwa makuli kubwesi na kulinga banu mwamubwa. Mbimbiliya inamwesa ngwayo bubi bwabo “bunatumu, bunete na mwilu.” (Kujombolola 18:5) Kushwa kunima, bulombelo bwa makuli bunalikobelesa mu bupolitiki, bunakundwiya binzita na kutsiisa banu babangi. Bantwama bamo ba bulombelo bashaka kulikungulwila bufuko, co bakaleke banu babo ngwabo babane bimbongo. Byuma bibakalingi bimwesa ngwabyo kubazibuka Njambi. Co basa kumwimanena bationi nga bakebo kubamuzibuka?—Tandeni 1 Yowano 4:8.
3. Njambi akalizibi bati mwakamono bulombelo bwa makuli?
Nga bilinga bya bulombelo bwa makuli bikamizibisa kubihya, co musinganyeka ngweni Njambi ikeye akalizibi bati? Njambi wazema banu. Oloni bilinga byabibi bya bantwama ba bulombelo bikamuzibisa manene kubihya. Yehova nendeka ngwendi akanyongesa bulombelo bwoshe bwa makuli, co kubukakalako lalo. (Kujombolola 18:21) Ololo abunyongesa.—Kujombolola 18:8.
TONDESESENI
Kubwezelela ku byuma bitunendeka, Njambi akalizibi bati mwakamono bulombelo bwa makuli? Bika bibunalingi bulombelo bwa makuli? Mwafwa bika bilinga byabibi bya bulombelo kubyapandele kumyonowesa kulilongesa bya Yehova?
4. Keti bulombelo bwoshe buzibisa Njambi kubwaha
Banu babangi bakendeka ngwabo bulombelo bunapu ngwe bingila bya kuliseza-seza bije bitwala banu kuli Njambi. Kuma mukemwo ndi? Tandeni Mateo 7:13, 14, na kusimutwiya ha cihula cinatako:
-
Mbimbiliya imwesa ngwayo ngila itwala ku kuyoya yafwa bati?
Kengeni VIDIO na kusimutwiya ha cihula cinatako.
-
Kuma Mbimbiliya imwesa ngwayo bulombelo bwoshe buli na kuzibisa Njambi kubwaha ndi?
5. Bulombelo bwa makuli kubwesi na kumwesa cizemo cakala naco Njambi
Bilinga bya bulombelo bwa makuli binamwesa ngwe Njambi kakele na cizemo. Cakumwenako, bunakundwiya binzita. Kengeni VIDIO na kusimutwiya ha bihula binatako.
-
Maceci amangi alingile bika ha Nzita ya Kaye ya mu Cibali?
-
Yeni muliziba bati mumunamono bibalingile?
Tandeni Yowano 13:34, 35 na 17:16. Kutundaho, kumbululeni bihula binatako:
-
Yehova akalizibi bati mwakamono bulombelo bukundwiya binzita?
-
Bulombelo bwa makuli buli na kulinga byuma byabingi byabibi. Byuma muka bimunalimwena bije bimwesa ngwabyo bulombelo bwabwingi bunonowa kumwesa cizemo cakala naco Njambi?
Bilinga na bilongesa bya bulombelo bwa makuli bili na kumwesa ngwe Njambi kakele na cizemo
6. Njambi ashaka ngwendi banu batunde mu bulombelo bwa makuli
Tandeni Kujombolola 18:4, a na kusimutwiya ha cihula cinatako:
-
Muliziba bati mumunazibuka ngweni Njambi ashaka kwobola banu baje banazimbalela mu bulombelo bwa makuli?
7. Twaleleleniho kulilongesa bya Njambi wa busunga
Kuma bilinga na bilongesa bya bulombelo bwa makuli binamilingisa mumone Njambi mu ngila ya kuhenga ndi? Lingeni ngwe kuli mwana uje abyana byamunangula ishe. Co atunda hembo na kukalinga byuma byabibi okwo kwanai. Bilinga byendi kubizibisa ishe kubwaha ku mbunge. Bika kutwanena ishe mulonga ha bilinga byendi byabibi?
-
Kuma tunapande kwana Yehova mulonga na kulikela kulilongesa byendi mwafwa ya byuma byabibi bili na kulingiwa mu bulombelo bwa makuli ndi?
BAMO BAKENDEKA NGWABO: “Yange kunjashakele bya Njambi mwafwa banu babangi mu bulombelo banalikobelesa mu byuma byabibi.”
-
Neni mukalizibi ngoco ndi?
-
Mwafwa bika bilinga bya bulombelo bwa makuli kubyapandele kutulingisa tumone Yehova mu ngila ya kuhenga?
SIMPI YAKAMA
Bilongesa na bilinga bya bulombelo bwa makuli bili na kumwesa ngwe Njambi kakele na cizemo. Ngeci, Njambi akanyongesa bulombelo bwa makuli.
Kwitulukamo
-
Bilongesa na bilinga bya bulombelo bwa makuli bikamizibisa bati?
-
Bulombelo bwa makuli bukazibisa bati Yehova?
-
Bika byakalinga Njambi ku bulombelo bwa makuli?
WANENI BIKWABO
Tandeni biñanda bimwesa byuma bibali bibukalingi bulombelo bwabwingi bije bikazibisa Njambi kubihya.
“Kuma Bulombelo Bwoshe Bunalifu Ndi? Kuma Bwoshe bwa Busunga Ndi?” (Ñanda ya ha webusaiti)
Mwafwa bika Yehova ashaka ngwendi tumulemese hamo na bakwetu?
“Kuma Munu Napande Kulikwatasana na Cibunga ca Bulombelo Ndi?” (Ñanda ya ha webusaiti)
Kapilistu umo wauwasanene mwanangukile bilinga na bilongesa bya bulombelo bwabo. Oloni walilongesele busunga.
“Byuma Byalingisile Kapilistu Umo Atunde mu Bulombelo Bwabo” (Toneni! ya February 2015)
Bilongesa bya bulombelo bwa makuli binamwesa ngwe Njambi wapwa cikenya, co katwakele mbunge. Tandeni biñanda bitatu bibanabangeya Njambi.
a Ku mukanda wa Kujombolola, bulombelo bwa makuli banabutumbula ngwabo Mbambilone Wakama. Taleni Biñanda bya Kushongo 1 mangana muzibe bibanabutumbwila ngoco.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
