CILONGESA 21
Muzimbu Waubwa Bali na Kuwambulula Bati?
Ololo Bumwene bwa Yehova bumanesa bukalu bwoshe butuli na kuliwana nabwo. Ou unapu muzimbu waubwa manene, co kutwasa kulitulikilawo lika. Yesu ashaka ngwendi baka-kumukabangeya balekeko bakwabo ou muzimbu. (Mateo 28:19, 20) Bakaleho ba Yehova bali na kwononoka bati majwi a Yesu?
1. Mukanda wa Mateo 24:14 uli na kulishulisilila bati ano matangwa?
Yesu wendekele ngwendi: “Ebi biñanda byabibwa bya Bumwene bakabyambulula mu kaye mwoshe.” (Mateo 24:14) Bakaleho ba Yehova banabwahelela kupanga eci cipangi ca seho. Tuli na kwambulula muzimbu waubwa mu kaye koshe mu bindaka bya kutubakana 1,000. Eci cinapu cipangi cakama manene. Ngeci, tunapande kupanga na nzili na kulikwatasana. Nameme ngoco, byahi bitwasa kulinga kwa kujeneka bukwasi bwa Yehova.
2. Tukawana kuli banu batukambulwila?
Tukambulwila banu kwoshe-kwoshe kutubawana. Ngwe mwa baka-Kilistu ba kulibanga, tukambulula ku “binjibo bya banu.” (Vilinga 5:42) Kwambulula mu ngila ei kukatukwasa twambulwile banu babangi. Tukambulwila lalo ku mbunga mwafwa banu babangi kubesi kuwaniwa ha binjibo byabo. Twashaka kulekako bakwetu bya Yehova na biyongola byendi.
3. Beya banapande kwambulula muzimbu waubwa?
Baka-Kilistu boshe ba busunga banapande kulekako bakwabo muzimbu waubwa. Twamona cipangi ca kwambulula kupwa ca seho manene. Tukalifwiti kwambulwila bakwetu mwafwa muzimbu utukambulula wobola banu. (Tandeni 1 Timateo 4:16.) Kubesi kutufweta mutukalingi eci cipangi mwafwa Mbimbiliya ngwayo: “Bamyanene bya bwana, co neni aneni bya bwana.” (Mateo 10:7, 8, NWT) Tutwalelelaho kwambulula nameme banu bamo kubatambula muzimbu utwambulula, mwafwa kulinga ngoco kunapu kulemesa Yehova, co lalo kumuzibisa kubwaha ku mbunge.
TONDESESENI
Bika bibakalingi Bakaleho ba Yehova mangana bambulule muzimbu waubwa mu kaye koshe? Yehova ali na kubakwasa bati?
Cipangi ca kwambulula mu kaye koshe: (A) Mu Costa Rica, (B) Mu United States, (C) Mu Benin, (D) Mu Thailand, (E) Mu Yap, (F) Mu Sweden
4. Tukalingi mwoshe mutukasela mangana twambulwile banu boshe
Bakaleho ba Yehova bakalifwiti mangana bambulule muzimbu waubwa. Kengeni VIDIO na kusimutwiya ha cihula cinatako.
-
Cipangi ca kwambulula cibakalingi Bakaleho ba Yehova cikamizibisa bati?
Tandeni Mateo 22:39 na Loma 10:13-15. Kutundaho, simutwiyeni ha bihula binatako:
-
Cipangi cetu ca kwambulula cikamwesa bati ngwaco twazema bakwetu?
-
Yehova akalizibi bati mwakamono banu bambulula muzimbu waubwa?—Taleni vesi 15.
5. Tuli na kupangela hamo na Njambi
Kuli mizimbu yaingi ije imwesa ngwayo Yehova ikeye ali na kutwamenena cipangi ca kwambulula. Cakumwenako, ndolome Paul mu New Zealand wawanene munakazi umo mwakele na kwambulwila ha njibo na njibo mutanya. Owo munakazi walombelele kuli Yehova olyo litangwa mutondo. Walombelele ngwendi munu umo amwendele. Ndolome Paul wendekele ngwendi, “Mukwetile lika maola atatu, njetele ha njibo yendi.”
Tandeni 1 Kolinte 3:9, na kusimutwiya ha cihula cinatako:
-
Mizimbu ya kulifwa nou utunazibi ku New Zealand imwesa bati ngwayo Yehova ikeye ali na kutwamenena cipangi ca kwambulula?
Tandeni Vilinga 1:8, na kusimutwiya ha cihula cinatako:
-
Bika bitutondela ngwetu Yehova atukwase mu cipangi ca kwambulula?
Muzibuka ndi?
Ku biwano byetu bya mukati ka calumingo, tukalilongesa mutwasa kwambulwila mwamubwa. Nga mwakungulukaho laja oku ku biwano, mumona bati byuma bitukalilongesa?
6. Tukambulula mwafwa Njambi natuleke ngwendi tulinge ngoco
Baka-kulwisa bashakele ngwabo bandongesi ba Yesu becele kwambulula. Ngeci, baje bandongesi bapangesele mashiko a fulumende mangana babatabese kwambulula muzimbu waubwa. (Filipu 1:7) Bakaleho ba Yehova nabo bali na kulinga ngoco ano matangwa. a
Tandeni Vilinga 5:27-42, na kusimutwiya ha cihula cinatako:
BAMO BANASA KWIHULA NGWABO: “Bakaleho ba Yehova bakaila bika ha binjibo bya banu?”
-
Yeni ngwe mukumbulula bati?
SIMPI YAKAMA
Yesu washikile baka-kumukabangeya ngwendi bambulule muzimbu waubwa ku banu boshe. Yehova ali na kukwasa banu bendi balinge eci cipangi.
Kwitulukamo
-
Bika bibakalingi Bakaleho ba Yehova mangana bambulule muzimbu waubwa mu kaye koshe?
-
Cipangi cetu ca kwambulula cili na kumwesa bati ngwaco twazema bakwetu?
-
Mumona bati, kuma kwambulula kwasa kutulingisa tubwahelele ndi? Mwafwa bika?
WANENI BIKWABO
Bakaleho ba Yehova bakambulula bati mu binganda byakama?
Bakaleho ba Yehova bakakwasa bati baje batunda ku lifuti lyeka?
Kukwasa Baje Batunda ku Lifuti Lyeka Balilongese bya Njambi (5:59)
Bika binalingisa ndokazi umo abwahelele mwafwa ya kulinga cipangi ca kwambulula mu kuyoya kwendi kwoshe?
Biñanda muka bimo bitunahyana mu binkuta bije binalingisa cipangi ca kwambulula ciye kulutwe?
a Njambi ikeye natuleke ngwendi twambulule. Ngeci, Bakaleho ba Yehova kubabandamena ngwabo kubanga bifulumende bya banu bibatabese kwambulula muzimbu waubwa.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
