CILONGESA 25
Njambi Ashaka Ngwendi Tuyoye Bati?
Mbimbiliya imwesa ngwayo ‘matangwa a kuyoya kwetu apwa amandondo, co lalo ashula na tuyando.’ (Yombi 14:1) Kuma omu mukemwo mwashakela Njambi ndi? Nga keti mukemwo, co ashaka ngwendi tuyoye bati? Kuma biyongola byendi bikalishulisilila ndi? Tumoneni biyendeka Mbimbiliya.
1. Yehova ashaka ngwendi tuyoye bati?
Yehova ashaka ngwendi tuyoye bwino. Njambi mwatangele banu ba kulibanga, Adama na Eva, wabakele mu citungu cacibwa ca Edeni cije capwile paradaisi. Co Njambi “wababezikisile na kwendeka ngwendi: ‘Kiteni, ngeci batekulwila beni bakatume hano hasi hoshe.’” (Kushangumuka 1:28) Yehova washakele ngwendi bakite bana na kupwisa kaye koshe paradaisi, co lalo banyunge tusitu. Washakele ngwendi banu balikuwe kuyoya myaka yoshe oku banalikangula.
Nameme byuma byatenguluka, a biyongola bya Njambi kubyatengulukile. (Isaya 46:10, 11) Acishaka ngwendi banu ba kulongwa bayoye mwamubwa myaka yoshe.—Tandeni Kujombolola 21:3, 4.
2. Twasa kulikuwa bati kuyoya ha simbu ino?
Yetu banu tutonda bukwasi bwa Yehova. Mukemwo tunapande kumuzibuka na kumulemesa. Mukemwo mwatutangelele. (Tandeni Mateo 5:3-6.) Ashaka ngwendi tulikute nendi busamba, ‘twende mu bingila byendi byoshe, tumuzeme na kumupangela na bimbunge byetu byoshe.’ (Kwituluka mu Mashiko 10:12; Myaso 25:14) Nga tulinga ngoco, co tupwa ba kubwahelela nameme tuliwana na bukalu. Nga tulemesa Yehova, co tulikuwa kuyoya mwafwa tuzibuka ngwetu tuli na kumuzibisa kubwaha.
TONDESESENI
Yehova wamwesele bati ngwendi watuzema omwo watangele lifuti-libu? Lijwi lyendi limwesa ngwalyo watutangelele bika?
3. Yehova ashaka ngwendi banu bayoye mwamubwa
Kengeni VIDIO na kusimutwiya ha cihula cinatako.
-
Njambi watangelele bika lifuti-libu?
Tandeni Muka-kwambulula 3:11, na kusimutwiya ha cihula cinatako:
-
Kwesekesa nou mukanda, bika bimulilongesa hali Yehova?
4. Biyongola bya Yehova kubyatengulukile
Tandeni Myaso 37:11, 29 na Isaya 55:11. Kutundaho, simutwiyeni ha cihula cinatako:
-
Tuzibuka bati ngwetu biyongola bya Yehova kubyatengulukile?
Nga njibo inabihya, banu basa kuibwahesa. Mu ngila imolika, Njambi akabwahesa lifuti-libu libanabiisa banu mangana baje bamuzema bakatungeho
5. Kulemesa Yehova kutulingisa tupwe ba kubwahelela
Kuzibuka bituli na kuyoyela kutulingisa tupwe ba kubwahelela. Kengeni VIDIO na kusimutwiya ha cihula cinatako.
-
Kuzibuka bituli na kuyoyela kwakwasele bati Terumi?
Tandeni Muka-kwambulula 12:13, na kusimutwiya ha cihula cinatako:
-
Yehova natulingila byuma byabingi byabibwa. Twasa kumwesa bati ngwetu twakandelela kuli ikeye ha byuma byanatulingila?
BAMO BANASA KWIHULA NGWABO: “Bika bituli na kuyoyela?”
-
Yeni ngwe mukumbulula bati?
SIMPI YAKAMA
Yehova ashaka ngwendi tulikuwe kuyoya myaka yoshe hano hasi oku twalikangula mwamubwa. Nga tumupangela na mbunge yetu yoshe, co tupwa ba kubwahelela nameme ha simbu ino.
Kwitulukamo
-
Yehova washakele ngwendi Adama na Eva bayoye bati?
-
Tuzibuka bati ngwetu biyongola byakele nabyo Njambi omwo watangele banu kubyatengulukile?
-
Bika bitukwasa tupwe ba kubwahelela?
WANENI BIKWABO
Bukaleho muka bumwesa ngwabwo citungu ca Edeni kucakele?
“Kuma Citungu ca Edeni Kucakele Bene Ndi?” (Kaposhi ka Kukengela ka January 1, 2011)
Bukaleho muka bumwesa ngwabwo lifuti-libu kulikanyongo?
Mbimbiliya imwesa ngwayo bika bituli na kuyoyela?
Munalume uje walizibile ngwendi wakele na byuma byoshe wawanene byuma byajenene.
a Mu cilongesa cinatako, tusimutwiya byalingisile byuma bitenguluke.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
