CILONGESA 33
Bumwene bwa Njambi Bukalinga Bika?
Bumwene bwa Njambi buli na kuyula mwilu, co ololo buyula na hano hasi. Tusimutwiyeni byuma bimo bibukalinga Bumwene bwa Njambi.
1. Bumwene bwa Njambi bukanena bati kwoloka hano hasi?
Yesu ha kupwa Mwene wa Bumwene bwa Njambi akanyongesa banu boshe bababi na bifulumende ha nzita ya Alamagidoni. (Kujombolola 16:14, 16) Ha simbu oyo, bupolofweto buli ku mukanda wa Myaso 37:10 bukalishulisilila. Obu bupolofweto ngwabwo: “Mu kasimbu kakandondo lika, baka-bubi bakahwa boshe njwa.” Mu Bumwene bwa Njambi, Yesu akanena kwoloka mu kaye koshe.—Tandeni Isaya 11:4.
2. Buyoye bukafwa bati Bumwene bwa Njambi mubukayula hano hasi?
Mu Bumwene bwa Njambi, ‘baka-busunga bakakala mu lifuti, co bakayoyamo myaka yoshe.’ (Myaso 37:29) Lingeni ngwe muli na kuyoya mu kaye muje banu boshe bazema Yehova, co lalo balizema umo na mukwabo! Mu kaye kakaha, wahi akabinja, co banu boshe bakayoya myaka yoshe.
3. Bika bibukalinga Bumwene bwa Njambi munina ya kunyongesa banu bababi?
Munina ya kunyongesa banu bababi, Yesu akayula myaka 1,000. Co mu myaka 1,000, Yesu na baje ba kupwa 144,000 baje bakayula nabo, bakakwasa banu hano hasi bapwe ba kulumbunuka, co kubakakala na bubi. Ku mamaneselelo a myaka 1,000, hano hasi hoshe hakapwa paradaisi. Co banu boshe bakakalaho bakapwa ba kubwahelela, co lalo bakononoka mashiko a Yehova. Kutundaho, Yesu akelwisa Bumwene kuli Ishe, Yehova. Co lizina lya Yehova likapwa lya kujela. (Mateo 6:9, 10) Yesu akamwesa ngwendi Yehova wapwa muka-kuyula wamubwa uje wazema banu. Yehova akanyongesa Satana na bandemone bendi na banu boshe baje kubakalyaka kwisi ya ciyulo cendi. (Kujombolola 20:7-10) Byuma byabibwa bibukanena Bumwene bwa Njambi bikakalako myaka yoshe.
TONDESESENI
Bika bimilingisa mukulahele ngweni Njambi akalinga byuma byanakulahesa mu Bumwene bwendi?
4. Bumwene bwa Njambi bukanyongesa bifulumende byoshe bya banu
‘Baje bali na nzili bali na kuyandesa bakwabo.’ (Muka-kwambulula 8:9) Mu Bumwene bwendi, Yehova akamanesa byuma byabibi bibali na kulinga banu ku bakwabo.
Tandeni Ndanyele 2:44 na 2 Tesalonika 1:6-8. Kutundaho, simutwiyeni ha bihula binatako:
-
Yehova na Munendi Yesu bakalinga bika ku bifulumende bya banu na baje bali na kubikundwiya?
-
Bika bimunalilongesa hali Yehova na Yesu bije bimilingisa mukulahele ngweni bakendesa mwamubwa byuma?
5. Yesu wapwa Mwene wamubwa
Ha kupwa Mwene wa Bumwene bwa Njambi, Yesu akalinga byuma byabingi byabibwa bije bikakwasa banu. Kengeni VIDIO mangana mumone byuma byanalingi Yesu bije bimwesa ngwabyo washaka kukwasa banu, co lalo Njambi namwana nzili ya kulinga ngoco.
Yesu mwakele hano hasi, wamwesele banu byuma bibukalinga Bumwene bwa Njambi. Byuma muka bibanamwesa ha liputa linatako bimunashungwiya manene kukamona? Tandeni na bisoneka bibanamwesa.
|
YESU MWAKELE HANO HASI . . . |
KUTUNDILILA MWILU, YESU . . . |
|---|---|
|
|
|
|
|
|
|
|
6. Bumwene bwa Njambi bukalingila banu byuma byabibwa
Bumwene bwa Njambi bukashulisilila biyongola byakele nabyo Yehova ha kulibanga mwatangele banu. Banu bakayoya myaka yoshe hano hasi mu paradaisi. Kengeni VIDIO mangana mumone byanalingi Yehova kwitila muli Munendi Yesu mangana ashulisilile biyongola byendi.
Tandeni Myaso 37:4, na kusimutwiya ha cihula cinatako:
-
Muliziba bati mumunazibuka ngweni kulutwe Yehova akana banu ‘bibashaka’?
BAMO BAKENDEKA NGWABO: “Nga tubaboshe tupangela hamo, twasa kumanesa bukalu bwoshe butuli na kuliwana nabwo mu kaye.”
-
Bumwene bwa Njambi bukamanesa bukalu muka buje bubinonowa kumanesa bifulumende bya banu?
SIMPI YAKAMA
Bumwene bwa Njambi bukashulisilila biyongola bya Njambi. Bukatengulula hano hasi hoshe mangana hakapwe paradaisi, co hakakala banu bababwa baje bakalemesa Yehova myaka yoshe.
Kwitulukamo
-
Bumwene bwa Njambi bukajelesa bati lizina lya Yehova?
-
Bika bitulingisa tukulahele ngwetu Bumwene bwa Njambi bukashulisilila bikulaheso byoshe bili mu Mbimbiliya?
-
Byuma muka bibukalinga Bumwene bwa Njambi bimunashungwiya manene kukamona?
WANENI BIKWABO
Alamagidoni yapwa ika?
Bika bikalingiwa mu myaka 1,000 yakayula Yesu na ku mamaneselelo ayo?
“Bika Bikalingiwa ha Litangwa lya Kusompa?” (Kaposhi ka Kukengela ka September 1, 2012)
Moneni byuma biyasa kulinga naanga mangana ilinge ngwe ili mu kaye kakaha.
Munalume umo wa bupolitiki wawanene bikumbululo ku bihula byakele nabyo. Tandeni muzimbu wa, “Njakele na Bihula Byabingi.”
“Mbimbiliya Ikatengulula Buyoye bwa Banu” (Kaposhi ka Kukengela ka January 1, 2012)
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
