CILONGESA 38
Kandeleleni Kuli Njambi ha Bwana bwa Kuyoya Bwanamyana
Kuli byuma byabingi bikatuzibisa kubwaha mu kuyoya. Nameme tukaliwana na bukalu bwa kuliseza-seza, oloni twasa kupwa ba kubwahelela. Twasa kumwesa bati ngwetu twakandelela kuli Njambi ha bwana bwanatwana bwa kuyoya? Mwafwa bika tunapande kulinga ngoco?
1. Mwafwa bika tunapande kukandelela kuli Njambi ha kutwana kuyoya?
Tunapande kukandelela kuli Tate yetu Yehova ha kutwana kuyoya mwafwa kwapwa bwana bwa kutunda kuli ikeye. Njambi ikeye ‘akana kuyoya ku byuma byoshe.’ Ikeye watangele byuma byoshe bya kuyoya. (Myaso 36:9) Njambi ‘Ikeye akana banu boshe kuyoya na kuhwima.’ (Vilinga 17:25, 28) Yehova akatwana byuma bitutonda mangana tutwaleleleho kuyoya. Co lalo akatwana byuma bije bikatulingisa tulikuwe kuyoya.—Tandeni Vilinga 14:17.
2. Twasa kukandelela bati kuli Yehova ha kutwana bwana bwa kuyoya?
Kushwa lika hatwashangumukilile kukala mwimo lya bananetu, Yehova natwalelelaho kutunyungilila. Njambi wahwimininine Ndabiti asoneke ngwendi: “Wanjimwene simbu kanda njisemuke.” (Myaso 139:16) Yehova wamona kuyoya kupwa kwa seho manene. (Tandeni Mateo 10:29-31.) Ngeci, Njambi kesi kuliziba bwino nga munu atsiya mukwabo nambe nga alitsiya ikeye babenya. a (Kutuuka 20:13) Co lalo Yehova kesi kuliziba bwino ku mbunge nga tulingila shakelo kwaka buyoye bwetu mu bushonde, nambe nga kutulingi byuma bije byasa kunyungilila kuyoya kwetu noku kwa bakwetu. Nga tunyungilila kuyoya kwetu noku kwa bakwetu, co tumwesa ngwetu twamona kuyoya kupwa kwa seho manene.
TONDESESENI
Mu bingila muka bikwabo mumwasa kumwesela ngweni mwakandelela kuli Njambi ha kumyana bwana bwa kuyoya?
3. Akeni mbunge ku bukangule bweni
Baka-Kilistu bakalingi mwoshe mubakasela mangana bapangele Yehova mu kuyoya kwabo kwoshe. Bakalyana kuli Njambi kupwa ngwe mulambu. Tandeni Loma 12:1, 2, na kusimutwiya ha bihula binatako:
-
Bika binapande kumishongangeya mulinyunge ku mubila?
-
Mwasa kulinga bati ngoco?
4. Linyungilileni kutewa mubulumuka nambe kutsa
Mbimbiliya ngwayo kutwapandele kulinga byuma bije byasa kutwaka mu bushonde. Kengeni VIDIO mangana mumone bingila bimo bimwasa kulinyungililamo.
Tandeni Visimo 22:3, na kusimutwiya mumwasa kulinyungilila na kunyungilila bakweni nga . . .
-
muli ku njibo.
-
muli ku bipangi.
-
muli na kweha bweho.
-
muli na kwendesa mota nambe nga munalondomo.
5. Singimikeni kuyoya kwa mbututu uje kanda asemuke
Ndabiti wamwesele ngwendi Yehova waka mbunge mbututu uje kanda asemuke hamolika na byuma byoshe bilingiwa kuli ikeye. Tandeni Myaso 139:13-17, na kusimutwiya ha cihula cinatako:
-
Kuli Yehova, kuma kuyoya kwa munu kukashangumuka nga baina bemita, indi ha simbu yasemuka?
Mashiko anene Yehova kuli Baisalele anyungililile banakazi baje bakele na bikute hamolika na bimbututu baje bakele mwimo. Tandeni Kutuuka 21:22, 23, na kusimutwiya ha bihula binatako:
-
Yehova wamwene bati munu watsiile mbututu uje kanda asemuke, mu kujeneka kuzibuka?
-
Yehova aliziba bati nga munu atsiila shakelo mbututu uje ali mwimo? b
-
Yeni mumona bati ebi biyongola bya Njambi?
Nameme munakazi uje wamona kuyoya kupwa kwa seho nasa kuliziba ngwendi mwahi mwakulingilila kubanga atundise limo. Tandeni Isaya 41:10, na kusimutwiya ha bihula binatako:
-
Nga munakazi aliziba ngwendi napande kutundisa limo, bika byasa kumukwasa mangana keti atundise limo? Mwafwa bika?
BAMO BAKENDEKA NGWABO: “Munakazi ali na nzili ya kulyangwila kutundisa limo mwafwa mubila wendi.”
-
Bika bimilingisa mumone ngweni Yehova wamona kuyoya kwa munakazi uje ali na cikute, noku kwa mbututu uje kanda asemuke kupwa kwa seho manene?
SIMPI YAKAMA
Mbimbiliya imwesa ngwayo tunapande kuzema bwana bwa kuyoya bwanatwana Yehova, na kubumona kupwa bwa seho na kubunyungilila. Oku kunambateselela kuyoya kwetu noku kwa bakwetu.
Kwitulukamo
-
Mwafwa bika Yehova wamona kuyoya kupwa kwa seho?
-
Yehova akalizibi bati nga munu alitsiya nambe nga atsiila mukwabo shakelo?
-
Kuma mwakandelela kuli Njambi ha kumyana bwana bwa kuyoya ndi? Mwafwa bika?
WANENI BIKWABO
Twasa kukandelela bati kuli Yehova ha bwana bwa kuyoya bwanatwana?
Kuma Njambi asa kukonekela munu uje watundisaho limo ndi?
“Mbimbiliya Yendeka Bika ha Kutundisa Limo?” (Ñanda ya ha webusaiti)
Moneni omwo kuzibuka Njambi mwamwena kuyoya kutulingisa twangule bweho buje kubwaka buyoye bwetu mu bushonde.
Mbimbiliya yasa kukwasa bati munu uje ali na biyongola bya kulitsiya?
a Yehova ali muyehi na baje banapokoka bimbunge. (Myaso 34:18) Akazibisisa mwamubwa byuma bikatuzibisa kubabala ku mbunge bije bikalingisa bamo bashungwiye kutsa. Co ashaka kutukwasa. Bika byasa kukwasa munu uje ali na bisinganyeka bya kulitsiya? Tandeni ñanda ili ha mutamba wa Waneni Bikwabo ije ili na mutwe wa, “Njishaka Kutsa—Kuma Mbimbiliya Yasa Kunjikwasa Nga Njili na Bisinganyeka bya Kulitsiya Ndi?”
b Yehova asa kukonekela munu uje watundisileho limo. Ngeci, kapandele kuliziba kukala manene na mulonga. Nga mushaka kuzibuka byabingi, taleni ñanda ya “Mbimbiliya Yendeka Bika ha Kutundisa Limo” ije ili ha mutamba wa Waneni Bikwabo.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
