CILONGESA 53
Lizimeni Buli na Byuma Bije Bizibisa Yehova Kubwaha
Yehova wapwa ‘Njambi wa kubwahelela.’ (1 Timateo 1:11) Co ashaka ngwendi netu tupwe ba kubwahelela na kulikuwa kuyoya. Akalizibi bwino mutukawana simbu ya kuhwima na kulishubulwisa munima ya kupanga bipangi. Muno mu cilongesa, tusimutwiya mutwasa kupangesela mwamubwa simbu yetu ya kuhwima na kuzibisa Yehova kubwaha ku mbunge.
1. Bika bitunapande kwanuka nga tushaka kwangula byakulizima nabyo buli?
Bika bimukashaka kulinga nga muli na kulihwimisa? Bamo mubakashaka kulizima buli, bakakala lika ha njibo oku bali na kutanda mabulu, kutolilila ku myaso, kukenga TV nambe kuya ha intaneti. Bamoco bakashaka kusikama na babusamba babo, kucoba nabo bikinga, kutana nabo nambe kweha bweho bumo. Byoshe-byoshe bitwashaka kulizima nabyo buli, tunapande kumona ngwetu ‘bizibisa Mwene kubwaha.’ (Efeso 5:10) Kwangula mwamubwa byakulizima nabyo buli kunapu kwa seho mwafwa byuma bya kulizima nabyo buli binalisala ano matangwa binapu byuma byazinda Yehova. Kakangi, ebi byuma bikamwesa lwozi, bilinga bya bukwizi nambe bundemone. (Tandeni Myaso 11:5.) Bika bitukwasa twangule mwamubwa byakulizima nabyo buli?
Nga tulikuta busamba na banu baje bazema Yehova, co batushongangeya tulinge byuma byabibwa na kwangula mwamubwa byuma bya kulizima nabyo buli. Ngwe mutunalilongeselele mu cilongesa cimo, “uje enda na baka-mana apwa muka mana lalo.” Oloni nga simbu yoshe tulikwatasana na banu baje kubesi kwononoka mashiko a Njambi, twasa kukobela mu bukalu.—Visimo 13:20.
2. Mwafwa bika kutwapandele kubiisila simbu yaingi ku kulizima buli?
Nameme tunasa kulizima buli na byuma byabibwa, kutwapandele kubiisila simbu yaingi ku kulizima buli. Kubiisila simbu yaingi ku kulizima buli kwasa kutwonowesa kuwana simbu ya kulinga byuma bya seho manene. Mbimbiliya yatushongangeya ngwayo ‘tupangese mwamubwa bisimbu bije tuli nabyo.’—Tandeni Efeso 5:15, 16.
TONDESESENI
Mwasa kwangula bati mwamubwa byakulizima nabyo buli?
3. Keti mulizime buli na byuma byabibi
Bika bitunapande kwangwila mwamubwa byakulizima nabyo buli? Kengeni VIDIO na kusimutwiya ha bihula binatako.
-
Bweho bumo bubakele na kweha mu Loma kusañulu bunalifu bati na byuma bya kulizima nabyo buli biliko ano matangwa?
-
Bika byananangukile Danny ha bweho bwanakala na kweha?
Tandeni Loma 12:9, na kusimutwiya ha cihula cinatako:
-
Ou mukanda umikwasa bati omwo mwangula byuma bya kulizima nabyo buli?
Byuma muka bimo byazinda Yehova? Tandeni Visimo 6:16, 17 na Ngalatiya 5:19-21. Munima ya kutanda cisoneka na cisoneka, simutwiyeni ha cihula cinatako:
-
Byuma muka bibanendeka oku ku mukanda bije byalisala manene mu byuma bya kulizima nabyo buli biliko ano matangwa?
Mwasa kwangula bati mwamubwa byakulizima nabyo buli?
Lihuleni ngweni:
-
Kuma kuli byuma bimo byazinda Yehova bilimo ndi?
-
Kuma binjibiisila simbu ya kulinga byuma bya seho manene ndi?
-
Kuma binjilingisa njilikwatasane na banu baje kubazemene Yehova ndi?
Kwitila kulako na bushonde kwakubwa. Mu ngila imolika, kutwapandele kulizima buli na byuma bije bitumona ngwetu byabibi
4. Pangeseni mwamubwa simbu yeni
Kengeni VIDIO na kusimutwiya ha cihula cinatako.
-
Nameme ndolome itunamono mu vidio kakele na kukenga byuma byabibi, bukalu muka bunatundile mu kujeneka kupangesa mwamubwa simbu yendi?
Tandeni Filipu 1:10, na kusimutwiya ha cihula cinatako:
-
Ou mukanda utukwasa bati mangana keti tubiisile simbu yaingi ku kulizima buli?
5. Anguleni byakulizima nabyo buli byabibwa
Nameme byuma bimo bya kulizima nabyo buli kubyesi kuzibisa Yehova kubwaha ku mbunge, kuli byuma byabingi byabibwa bitwasa kulizima nabyo buli. Tandeni Muka-kwambulula 8:15 na Filipu 4:8. Kutundaho, simutwiyeni ha cihula cinatako:
-
Bika bimwashaka kulizima nabyo buli?
Mwasa kulizima buli na byuma byabibwa bije bishubulwisa
BAMO BAKENDEKA NGWABO: “Kukenga bweho bwa lwozi na kukenga mafilimu a bukwizi nambe a bundemone kukwabihile mwafwa kunjesi na kubilinga.”
-
Yeni mumona bati?
SIMPI YAKAMA
Yehova atonda ngwendi twangule mwamubwa byakulizima nabyo buli na kulikuwabyo.
Kwitulukamo
-
Byuma muka kubapandele kulizima nabyo buli baka-Kilistu?
-
Mwafwa bika kutwapandele kubiisila simbu yaingi ku kulizima buli?
-
Bika bimilingisa mulizime buli na byuma bije bizibisa Yehova kubwaha ku mbunge?
WANENI BIKWABO
Beya banapande kutwangwila byuma bitulizima nabyo buli?
Nangukeni byuma bimikwasa mwangule mwamubwa byakulizima nabyo buli.
“Kuma Byuma Bimukalizimi Nabyo Buli Byabibwa Ndi?” (Kaposhi ka Kukengela ka October 15, 2011)
Bika byalingile munalume umo mangana atengulule ku byuma byakele na kulizima nabyo buli? Tandeni ñanda ya “Njecelele Kukala na Kaangu.”
“Mbimbiliya Ikatengulula Buyoye bwa Banu” (Kaposhi ka Kukengela ka February 1, 2010)
Moneni byuma bilingisa cisemi umo wa munakazi ajeneke kulizima buli na byuma bya bundemone.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
