CILONGESA 55
Kwaseni Cikungulukilo Ceni
Banu babangi bali na kulemesa Yehova mu kubwahelela mu bikungulukilo byabingi bya Bakaleho ba Yehova kuzenguluka kaye koshe. Bakabwahelela kutambula mashiko na binangulo bije bili na kubatwamenena, co bali na kukwasa bikungulukilo byabo mu bingila bya kuliseza-seza. Kuma neni mushaka kukwasa cikungulukilo ceni ndi?
1. Mwasa kupangesa bati simbu na nzili yeni mangana mukwase cikungulukilo?
Tubaboshe twasa kukwasa cikungulukilo. Cakumwenako, twasa kukwasa tukulukazi nambe biyanga nambe baje babinja mu cikungulukilo cetu. Twasa kubakwasa mangana nabo bakunguluke. Twasa kubalandelako bimo nambe kubajelesela ha njibo. (Tandeni Yakomba 1:27.) Twasa lalo kujelesa nambe kubwahesa mwamubwa Njibo ya Bumwene. Oloni wahi napande kutusindiya. Kuzema Njambi na bandolome na bandokazi betu kukekwo kutulingisa tulyane na kwendeka ngwetu: “Yange unoye, njitumeni!”—Isaya 6:8.
Bakaleho ba kumbwitika basa kukwasa lalo cikungulukilo mu bingila bikwabo. Bandolome baje banapwisamo bitondeka basa kubangula kupwa baka-kupangela, co mu kwita kwa simbu basa kupwa bakulunu mu cikungulukilo. Bandolome na bandokazi basa kupwa bapainiya mangana bakundwiye cipangi ca kwambulula. Bamo bakakwasa mu cipangi ca kutunga mitungo ya kulemesela nambe kuya na kukwasa bikungulukilo bije bili mu bujene.
2. Twasa kupangesa bati byuma bituli nabyo mangana tukwase cikungulukilo?
Twasa ‘kusingimika Yehova ha kumulambwila byuma byabibwa bituli nabyo.’ (Visimo 3:9) Kunapu kubezika kulambula bimbongo nambe byuma byoshe-byoshe bituli nabyo, bije byasa kukwasa cikungulukilo na kukwasa mu cipangi ca kwambulula. (Tandeni 2 Kolinte 9:7.) Milambu yetu ikakwasa lalo nga kunasholoka bukalu bwa cishitukila. Babangi ‘bakakako bimo kumukulo’ mangana balambule. (Tandeni 1 Kolinte 16:2.) Twasa kulambwila mu bikasha bije bili ku myela yetu ya kulemesela nambe kupangesa intaneti ha donate.pr418.com. Tumwesa ngwetu twazema Yehova nga tulambula bituli nabyo kutundilila kwisi ya bimbunge byetu.
TONDESESENI
Bingila muka bikwabo bimwasa kukwaselamo cikungulukilo?
3. Twasa kupangesa bituli nabyo
Yehova na Yesu bazema munu uje ana kutundilila kwisi ya mbunge yendi. Cakumwenako, Yesu washangalele fwile wa kahutu uje walambwile nameme kakele na byuma byabingi bya ku mubila. Tandeni Luka 21:1-4, na kusimutiwiya ha bihula binatako:
-
Kuma tunapande kulambula bimbongo byabingi asina tuzibisa Yehova kubwaha ku mbunge ndi?
-
Yehova na Yesu bakalizibi bati mutukalambula kutundilila kwisi ya mbunge?
Kengeni VIDIO mangana mumone muikapangela milambu yetu. Kutundaho, simutwiyeni ha cihula cinatako.
-
Milambu ikakwasa bati bikungulukilo mu kaye koshe?
4. Twasa kukwasa
Kusañulu, bangamba ba Yehova bapangele na nzili mu kunyunga mwamubwa myela ya kulemesela. Oloni byabingi byalibungililemo, keti kulambula lika bimbongo. Tandeni 2 Mizimbu 34:9-11, na kusimutwiya ha cihula cinatako:
-
Bika byalingile umo na umo wa Baisalele mangana akwase mu kunyunga mwamubwa njibo ya Yehova nambe ngwetu mwela wa kumulemesela?
Kengeni VIDIO ije imwesa omwo Bakaleho ba Yehova bali na kutembwininamo Baisalele. Kutundaho, simutwiyeni ha bihula binatako.
-
Bika bitunapande kujelesela Njibo ya Bumwene na kuinyunga mwamubwa?
-
Mwasa kukwasa bati?
5. Bandolome basa kupwisamo bitondeka mangana bapange bipangi bikwabo
Bisoneka bishongangeya bandolome bapwisemo bitondeka mangana bakwase cikungulukilo. Cakumwenako, kengeni VIDIO. Kutundaho, simutwiyeni ha cihula cinatako.
-
Kwesekesa na vidio, bika byalingile Ryan mangana apwisemo bitondeka na kukwasa cikungulukilo?
Mbimbiliya inendeka byanapande kupwisamo ndolome mangana apwe muka-kupangela nambe mukulunu mu cikungulukilo. Tandeni 1 Timateo 3:1-13, na kusimutwiya ha bihula binatako:
BAMO BANASA KWIHULA NGWABO: “Bakaleho ba Yehova bakawana kuli bimbongo bibakapangesa mu cipangi cabo?”
-
Yeni ngwe mubakumbulula bati?
SIMPI YAKAMA
Yehova akakandelela manene mutukapangesa simbu yetu, nzili yetu na byuma bituli nabyo mu kukwasa cikungulukilo.
Kwitulukamo
-
Twasa kupangesa bati simbu yetu na nzili yetu mu kukwasa cikungulukilo?
-
Twasa kupangesa bati byuma bya ku mubila bituli nabyo mu kukwasa cikungulukilo?
-
Mu bingila muka mumushaka kukwaselamo cikungulukilo ceni?
WANENI BIKWABO
Mwafwa bika Njambi ano matangwa kashaka ngwendi baka-kumulemesa bane cabulikumi?
“Bika Biyendeka Mbimbiliya ha Kwana Cabulikumi?” (Ñanda ya ha webusaiti)
Mbimbiliya inendeka ha bipangi bibasa kulinga banalume ba kumbwitika. Oloni bati nga banakazi ba kumbwitika bakebo banapande kukwasa omu mu bipangi?
“Cipangi Muka Cibali Naco Bakulunu mu Cikungulukilo?” (Kaposhi ka Kukengela ka February 2021)
Moneni bibakalingi Bakaleho bamo mangana batwalele bakwabo mabulu.
Muikawanena bimbongo munga yetu kunaliseze bati nomu mubakawanena bimbongo baka-bulombelo?
“Cipangi ca Bakaleho ba Yehova Bali na Kucifwetela Bati?” (Ñanda ya ha webusaiti)
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
