CILONGESA 56
Twaleleleniho Kunena Likwatasano mu Cikungulukilo
Mutukakala hamo na bandolome na bandokazi, tukalizibi ngwe mwalizibilile Mwene Ndabiti. Wendekele ngwendi: ‘Kengeni oco kubwaha omwo banu ba Njambi banalikwatasana!’ (Myaso 133:1) Likwatasano lyetu kulyalizilile ngoco. Tubaboshe tuli na kunena eli likwatasano.
1. Banu ba Njambi bapwa bati ba kulitila?
Mwasa kuya ku cikungulukilo ca mu lifuti lyeka muje mubakapangesa ndaka kumuzibisisa. Oloni mukaliziba kuzituka. Mwafwa bika? Mwafwa tukalilongesa Mbimbiliya kupangesa mabulu a kulifwa mu kaye koshe. Co lalo tukalimwesa cizemo. Kwoshe-kwoshe kutuli, tubaboshe tukalemesa Yehova, co twalikwatasana mu kumulemesa.—Zefaniya 3:9.
2. Bika bimwasa kulinga mangana munene likwatasano?
“Lizemeni umo na mukwabo na bimbunge byeni byoshe.” (1 Petulu 1:22) Mwasa kupangesa bati eci cinangulo? Akeni mbunge ku bifwa byabibwa bya bakweni, keti ku tupenga twabo. Likwatasaneni na bandolome na bandokazi ba kuliseza-seza, keti mulikwatasane lika na baje bashaka byuma bimwashaka. Tunapande lalo kulinga mwoshe mutwasela kutundisa kaangu mukati ketu.—Tandeni 1 Petulu 2:17. a
3. Bika bimunapande kulinga nga munalipyakana na mukweni muka-Kilistu?
Nameme twalikwatasana, kutwalumbunukile. Bisimbu bimo tukendeka nambe kulinga byuma bije bikazibisa bakwetu kubabala ku mbunge. Mukemwo Mbimbiliya ngwayo: ‘Likonekeleni umo na mukwabo . . . Ngwe muje mwanamikonekela Yehova kutundilila kwisi ya mbunge, neni lingeni ngoco.’ (Tandeni Kolose 3:13.) Nameme tukabiisila Yehova bisimbu byabingi, oloni akatukonekela. Ngeci, ashaka ngwendi netu tukonekele bakwetu. Nga munalingi byuma bije binazibisa mukweni kubabala ku mbunge, lingeniko bimo mangana mumanese obwo bukalu.—Tandeni Mateo 5:23, 24. b
TONDESESENI
Byuma muka bikwabo bimwasa kulinga mangana mukundwiye likwatasano na kwoloka mu cikungulukilo?
Bika bimunapande kulinga mangana mukale mu kwoloka na bakweni?
4. Keti mukale na kaangu
Tunapande kuzema bandolome na bandokazi betu boshe. Oloni simbu imo kwasa kutukaluwila kulikwatasana na munu uje amoneka kuliseza netu mu bingila bimo. Bika byasa kutukwasa? Tandeni Vilinga 10:34, 35, na kusimutwiya ha bihula binatako:
-
Yehova natabesa banu ba miyati yoshe bapwe Bakaleho bendi. Kuzibuka ngwetu Yehova wazema banu boshe kunapande kutulingisa tumone bati banu ba kuliseza-seza?
-
Kaangu ka cifwa muka kanalisala ku mutambela kumwakala?
Tandeni 2 Kolinte 6:11-13, na kusimutwiya ha cihula cinatako:
-
Bika bimikwasa muzeme bandolome na bandokazi beni boshe?
5. Konekeleni bakweni na kushakezeka kwoloka
Yehova akatukonekela nameme katondo kumukonekela mwafwa ikeye kesi kubiisa. Tandeni Myaso 86:5, na kusimutwiya ha bihula binatako:
-
Yehova akatukonekela bisimbu bingahi?
-
Mwafwa bika tukandelela kuli Njambi ha kutukonekela?
-
Bika byasa kutwonowesa kulizibasana mwamubwa na bakwetu?
Twasa kutembwinina bati Yehova mangana tutwaleleleho kulikwatasana na bandolome na bandokazi betu? Tandeni Visimo 19:11, na kusimutwiya ha cihula cinatako:
-
Bika bimunapande kulinga mangana mukale mu kwoloka nga mukweni namilubalesa?
Bisimbu bimo netu tukalubalesa bakwetu. Co bika bitunapande kulinga nga tunalubalesa bakwetu? Kengeni VIDIO na kusimutwiya ha cihula cinatako.
-
Kwesekesa na vidio, bika byanalingile uje ndokazi mangana akale mu kwoloka na bakwabo?
6. Shakezekeni bifwa byabibwa muli bandolome na bandokazi beni
Nga tulizibuka mwamubwa na bandolome na bandokazi betu, tuzibuka bifwa byabo byabibwa na buzeye bwabo. Twasa kwaka bati mbunge ku bifwa byabo byabibwa? Kengeni VIDIO na kusimutwiya ha cihula cinatako.
-
Bika bimikwasa mwake mbunge ku bifwa byabibwa bya bakweni?
Yehova akaka mbunge ku bifwa byetu byabibwa. Tandeni 2 Mizimbu 16:9a, na kusimutwiya ha cihula cinatako:
-
Muliziba bati mumunazibuka ngweni Yehova akaka mbunge ku bifwa byeni byabibwa?
Kanzeya ka kupanga ha ndaimani kasa kukala na tupenga, oloni anga ka seho. Mu ngila imolika, bandolome na bandokazi betu kubalumbunukile, oloni anga ba seho kuli Yehova
BAMO BAKENDEKA NGWABO: “Kunjasa kukonekela munu, kubanga ikeye aije tahi na kulomba likonekelo.”
-
Mwafwa bika tunapande kukala na mbunge ya kukonekela?
SIMPI YAKAMA
Mwasa kunena likwatasano mu cikungulukilo nga mukonekela bandolome na bandokazi beni na kubamwesa cizemo.
Kwitulukamo
-
Bika bimikwasa mujeneke kukala na kaangu?
-
Bika bimulinga nga mwalipyakana na mukweni muka-Kilistu?
-
Mwafwa bika mushaka kutembwinina mwanja wa Yehova mu kukonekela bakweni?
WANENI BIKWABO
Cakumwenako ca Yesu citukwasa bati mangana keti tusompe bakwetu?
Kuma tunapande kulomba likonekelo nga tuliziba ngwetu keti yetu tunabiisa ndi?
“Kulomba Likonekelo Kunena Kwoloka” (Kaposhi ka Kukengela ka November 1, 2002)
Taleni banu bamo mubanalilongesela kujeneka kukala na kangu.
Bika bimwasa kulinga mangana mukale mu kwoloka na munu imunalipyakana nendi simbu kanda bukalu bweni bunene mbundunwina mu cikungulukilo?
“Maneseni Bukalu mu Cizemo” (Kaposhi ka Kukengela ka May 2016)
a Biñanda bya Kushongo 6 bimwesa omwo cizemo cilingisa baka-Kilistu bajeneke kushambwisila bakwabo mushongo wa kulitambwisa.
b Biñanda bya Kushongo 7 bimwesa mutwasa kumanesela bukalu nga twalipyakana na mukwetu mu biñanda bya mingoso.
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
