CILONGESA 60
Twaleleleniho Kukanyamesa Busamba Bweni na Yehova
Kushwa hamunashangumukila kulilongesa Mbimbiliya, mwalilongesa byabingi hali Yehova. Tukulahela ngwetu byuma bimunalilongesa byamilingisa mumuzeme manene, co mwalikundika kuli ikeye na kumimbwitika. Nga kanda mulinge ngoco, twakulahela ngwetu ololo mulingamo. Oloni kumwapandele kwimanena lika ha kumimbwitika. Twaleleleniho kukanyamesa busamba bweni na Yehova. Mwasa kulinga bati ngoco?
1. Mwafwa bika munapande kutwalelelaho kukanyamesa busamba bweni na Yehova?
Tunapande kulinga mwoshe mutwasela mangana tutwaleleleho kukanyamesa busamba bwetu na Yehova. Mwafwa bika? Mangana ‘keti tungumuke’ na kutunda kuli ikeye. (Vahevelu 2:1) Bika bitukwasa tutwaleleleho kupwa ba kulongwa kuli Yehova? Tunapande kuzezama mu cipangi ca kwambulula na kuwanako bingila bikwabo bya kupangelamo Njambi. (Tandeni Filipu 3:16.) Kupangela Yehova cikeco cuma ca seho manene mu kuyoya!—Myaso 84:10.
2. Bika lalo bimunapande kutwalelelaho kulinga?
Munete ku mamaneselelo eli libulu. Nameme ngoco, yoyesi yeni inapande kutwalelelaho kumwesa ngwayo mwapwa muka-Kilistu. Mbimbiliya ngwayo tunapande “kuzala bunu bwabuha.” (Efeso 4:23, 24) Omwo mutwalelelaho kulilongesa Lijwi lya Njambi na kukunguluka, mulilongesa byuma byabingi hali Yehova na bifwa byendi. Co esekeni mwoshe mumwasela mangana mumutembwinine mu kuyoya kweni. Twaleleleniho kutengulula byuma bimo mu kuyoya kweni mangana muzibise Yehova kubwaha ku mbunge.
3. Yehova amikwasa bati mangana mutwaleleleho kukanyamesa busamba bweni nendi?
Mbimbiliya ngwayo: ‘Njambi ikeye babenya amaneselela kumilongesa. Amimika mbe na kumyana nzili na lubula lwalubwa.’ (1 Petulu 5:10) Tubaboshe tukaliwana na byeseko. Nameme ngoco, Yehova akatwana nzili mangana tukolese na kubihyana. (Myaso 139:23, 24) Natukulahesa ngwendi atukwasa tukale na lishungu lya kulinga cizango cendi na kutwana nzili ya kumupangela mu kulongwa.—Tandeni Filipu 2:13.
TONDESESENI
Bika lalo bimikwasa mutwaleleleho kukanyamesa busamba bweni na Yehova? Co Yehova amibezikisa bati?
4. Twaleleleniho kusimutwiya na Yehova
Kulombela na kulilongesa Mbimbilya kunamikwasa mulikute busamba na Yehova. Kutwalelelaho kulinga ebi byuma kukanyamesa bati busamba bweni na Yehova?
Tandeni Myaso 62:8, na kusimutwiya ha cihula cinatako:
-
Bika bimwasa kuleka Yehova mu malombelo eni mangana mukanyamese busamba bweni nendi?
Tandeni Myaso 1:2, na kusimutwiya ha cihula cinatako:
-
Bika bimunapande kulinga ha simbu imutanda Mbimbiliya mangana mukanyamese busamba bweni na Yehova?
Bika bimunapande kulinga mangana cilongesa ca likalyeni cimikwase? Kengeni VIDIO ije imwesa byuma bimo byasa kumikwasa. Kutundaho, simutwiyeni ha bihula binatako.
-
Bika bimunalilongesa mu vidio bije bimushaka kupangesa?
-
Biñanda muka bimushaka kutondesesa?
5. Lyakeleni bilengo bya ku sipilitu
Kulyakela bilengo bya kupanga bipangi bya Yehova kumikwasa mukanyamese busamba bweni nendi. Kengeni VIDIO na kusimutwiya ha cihula cinatako.
-
Kwesekesa na vidio, bibezikiso muka byanawanene ndokazi Cameron mu kulyakela bilengo bya ku sipilitu?
Nameme kutwasa kuya na kwambulwila ku lifuti lyeka, oloni tubaboshe twasa kulyakela bilengo bije bitwasa kushulisilila. Tandeni Visimo 21:5, na kusimutwiya ha bilengo bimwasa kulyakela . . .
-
mu cikungulukilo.
-
mu cipangi ca kwambulula.
Cinangulo cili oku ku mukanda cimikwasa bati mangana mushulisilile bilengo bimunalyakela?
Bilengo bimwasa kulyakela
-
Kulombela mwamubwa.
-
Kutanda Mbimbiliya yoshe ya mutunu.
-
Kulizibuka mwamubwa na bandolome na bandokazi mu cikungulukilo.
-
Kushangumuka kulilongesa na munu Mbimbiliya na kutwalelelaho kulilongesa nendi.
-
Kupwa painiya wa kukwasa nambe wa simbu yoshe.
-
Kupwisamo bitondeka mangana mupwe muka-kupangela nga mu bandolome.
6. Likuweni kuyoya myaka yoshe!
Tandeni Myaso 22:26, na kusimutwiya ha cihula cinatako:
-
Bika bimunapande kulinga mangana mulikuwe kuyoya ha simbu ino na kukalikuwa kuyoya myaka yoshe kulutwe?
SIMPI YAKAMA
Twaleleleniho kukanyamesa busamba bweni na Yehova na kulyakela bilengo bya ku sipilitu mangana mulikuwe kuyoya myaka yoshe!
Kwitulukamo
-
Bika bimilingisa mukulahele ngweni Yehova amikwasa mutwaleleleho kumupangela mu kulongwa?
-
Mwasa kukanyamesa bati busamba bweni na Yehova?
-
Kulyakela bilengo bya ku sipilitu kumikwasa bati?
WANENI BIKWABO
Kuma Yehova ashaka ngwendi tupwe ba kulongwa kuli ikeye na kumupangela ha simbu yaindondo lika, indi ashaka ngwendi tutwaleleleho kumupangela na kupwa ba kulongwa mu kuyoya kwetu kwoshe?
Ngamba ya Njambi wa kulongwa simbu imo asa kupwa wa kujeneka kubwahelela. Moneni byasa kumikwasa nga muliziba kuzeya.
Kutanda na Kusinganyekesesa Kumilingisa Mupwe ba Kubwahelela (5:25)
Mwasa kulyakela bati bilengo bya ku sipilitu na kubishulisilila?
“Lyakeleni Bilengo Bije Byana Ishamatanga Bumpau” (Kaposhi ka Kukengela ka July 15, 2004)
Mwafwa bika tunapande kutwalelelaho kukanyamesa busamba bwetu na Yehova? Co twasa kulinga bati ngoco?
“Tuyeni Kulutwe—‘Litangwa lya Yehova Lili Muyehi’” (Kaposhi ka Kukengela ka May 15, 2009)
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
