Batsi Bakayoya Lalo Ndi?
Mukumbulula ngweni . . .
-
eyo?
-
embwe?
-
hamo?
BIINENDEKA MBIMBILIYA
“Banu . . . bakasanguka ku batsi.”—Vilinga 24:15.
KUKULAHELA AWA MAJWI KUMIKWASA BATI?
Kumikwasa musimpe nga mutsisa banu bamwazema.—2 Kolinte 1:3, 4.
Kumikwasa mujeneke kuziba lyoba lya kutsa.—Vahevelu 2:15.
Kumikwasa mukale na lilabelelo lya kukatambula babushoko bweni ku batsi.—Yowano 5:28, 29.
TWASA KUKULAHELA BIINENDEKA MBIMBILIYA NDI?
Twasa kuikulahela mwafwa ya byuma ebi bitatu:
-
Njambi ikeye watangele kuyoya. Mbimbiliya ngwayo Yehova ikiye ‘muka-kwana mwonyo.’ (Myaso 36:9; Vilinga 17:24, 25) Yehova ikeye akana kuyoya ku byuma byoshe, co ali na nzili ya kwindula lalo munu uje natsi.
-
Njambi wabangele kusangula batsi kusañulu. Mbimbiliya yatuleka mizimbu ya kupwa 8 ya banalume na banakazi baje babasangwile. Bamo hetile simbu yaindondo kutunda ha kutsa kwabo. Oloni umo wabo wakele matangwa awana mu mbumbo.—Yowano 11:39-44.
-
Njambi akasangula lalo batsi kulutwe. Yehova wazinda kutsa, wamona kutsa kupwa ngwe citozi. (1 Kolinte 15:26) Yehova akahyana ou citozi mwafwa akasangula batsi. Ali na lishungu lya kukasangula batsi baje bali mu biyongola byendi mangana bakayoye lalo hano hasi.—Yombi 14:14, 15.
SINGANYEKENI HA CIHULA ECI:
Bika bituli na kukulubalela na kutsa?
Mbimbiliya inakumbulula eci cihula ku KUSHANGUMUKA 3:17-19 na LOMA 5:12.
Hamo Mushaka Lalo Ebi
BIKUMBULULO KU BIHULA BYA KUKUNDAMA KU MBIMBILIYA
Kusanguka Kwapwa Kuka?
Munasa kukomoka kuziba cifwa ca banu bakasanguka.
BYETU BAKALEHO BA YEHOVA
Bika Bimunapande Kulilongesela Mbimbiliya?
Mbimbiliya ili na kukumbulula bihula bibakalihula banu babangi kuzenguluka kaye koshe. Kuma neni mushaka kuwana muyasa kukumbulwila bihula bimuli nabyo ndi?
