Iya Ali na Kuyula Kano Kaye?
Mukumbulula ngweni . . .
-
Njambi?
-
banu?
-
Satana?
BIINENDEKA MBIMBILIYA
‘Kaye koshe kali mu nzili ya Liyabolo.’—1 Yowano 5:19.
‘Muna Njambi wezile na kunyongesa bije byalingile Liyabolo.’—1 Yowano 3:8.
KUKULAHELA AWA MAJWI KUMIKWASA BATI?
Kumikwasa muzibuke bili na kunenesa tuyando mu kaye.—Kujombolola 12:12.
Kumikwasa mukulahele ngweni kaye ketu kakabwaha kulutwe.—1 Yowano 2:17.
TWASA KUKULAHELA BIINENDEKA MBIMBILIYA NDI?
Twasa kuikulahela mwafwa ya byuma ebi bitatu:
-
Ciyulo ca Satana ololo bacitundisako. Yehova ashaka kutundisako ciyulo ca Satana. Yehova natukulahesa ngwendi ‘akanyongesa Liyabolo’ na kubwahesa byoshe byanabiisa muno mu kaye.—Vahevelu 2:14.
-
Njambi nangula Yesu kukayula kano kaye. Yesu kalifwile na Satana uje ali na kuyula mwamubi kaye. Njambi wendekele ha ciyulo ca Yesu ngwendi: “Akazibila mema ku mbunge baka-kuzeya na tuhutu . . . Ikeye abamena kuli baka-muuka.”—Myaso 72:13, 14.
-
Njambi kesi kukwisa. Mbimbiliya ngwayo: “Njambi kasa kwendeka makuli.” (Vahevelu 6:18) Nga Njambi nakulahesa ngwendi alinga byuma, kubanga abilinge bene. (Isaya 55:10, 11) Muka-kuyula “kano kaye bakamusheka.”—Yowano 12:31.
SINGANYEKENI HA CIHULA ECI:
Kaye kakafwa bati munima ya kunyongesa Satana?
Mbimbiliya inakumbulula eci cihula ku MYASO 37:10, 11 na KUJOMBOLOLA 21:3, 4.
Hamo Mushaka Lalo Ebi
BIKUMBULULO KU BIHULA BYA KUKUNDAMA KU MBIMBILIYA
Kuma Liyabolo Kwakala Ndi?
Kuma Liyabolo wapwa lika cifwa ca bubi bubakala nabwo banu, indi wapwa bene ngwe munu hendi?
BYETU BAKALEHO BA YEHOVA
Bika Bimunapande Kulilongesela Mbimbiliya?
Mbimbiliya ili na kukumbulula bihula bibakalihula banu babangi kuzenguluka kaye koshe. Kuma neni mushaka kuwana muyasa kukumbulwila bihula bimuli nabyo ndi?
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
