MUTAMBA 3
Buyoye Bwafwile Bati mu Citungu ca Edeni?
Yehova wanene Adama na Eva byuma byabingi byabibwa. Kushangumuka 1:28
Yehova watangele munakazi wa kulibanga Eva, co wamwanene kuli Adama apwe munakazi wendi.—Kushangumuka 2:21, 22.
Yehova wabanene bisinganyeka na mibila ya kulumbunuka, ya kujeneka tupenga.
Limbo lyabo lyapwile citungu ca Edeni. Eci citungu nambe Paladaisi, wapwile mwela waubwa, wa bindonga na miti ya bushuka na tusitu.
Yehova wakele na kwendeka nabo, co lalo wakele na kubalongesa. Ngwe bononokele Njambi, ngwe bayoyele myaka yoshe mu Paladaisi hano hasi.
Njambi wababindikile kulya ku muti umo lika. Kushangumuka 2:16, 17
Yehova walekesele Adama na Eva muti umo wa bushuka uje wakele mu lihya. Wabalekele ngwendi nga balyako, co batsa.
Kangelo umo watengulukilile Njambi. Uje kangelo wamubi ikeye Satana Liyabolo.
Satana kashakele Adama na Eva bononoke Yehova. Ngeci, wapangesele linyoka aleke Eva ngwendi nga alya ku bushuka bwa kuje ku muti, co katsi, oloni alifwa na Njambi. Awa apwile makuli.—Kushangumuka 3:1-5.
