Nga tushaka kuzibisa Yehova kubwaha, tunapande kutolilila munendi. Simbu kanda Yehova atange Adama, wabangele kutanga munu umo wa nzili wa ku sipilitu mwilu.

Omwo mwetile myaka yaingi, Yehova wamutumine kwa kusemukila mu Mbetelehema kuli Maliya, mumbanda uje kanda alimone na munalume. Uje mwana bamulukile lizina ngwabo Yesu.—Yowano 6:38.

Omwo Yesu wakele hano hasi, wamwesele mwamubwa bifwa bya Njambi. Wakele na ngozi na cizemo, co lalo wamwasi kwendeka nendi. Walongesele banu busunga bwa Yehova kwa kujeneka lyoba.

Yesu wendwile lalo baka-kubinja na kusangula banu bamo baje batsile.

Bantwama ba bulombelo bazindile Yesu mwafwa wajombolwele bilongesa byabo bya makuli na bingila byabo byabibi.

Bantwama ba bulombelo bashongangeyeye ba Loma bapupe Yesu na kumutsiya.