Simbu kanda muye ku cilongesa

1. 1. Libwaheseleni mwamubwa. Omwo mulibwahesela, singanyekeseseni ha byuma byatonda munu imukalilongesa nendi, byuma byali na kuliwana nabyo na byuma byakulahela. Nangukeni bisimpi byanasa kwonowa kuzibisisa nambe kupangesa. Nangukeni mubyasa kumukwasela biñanda bili ha mutamba wa “Waneni Bikwabo,” co libwaheseleni kubipangesa nga kutondeka kulinga ngoco ha simbu ya cilongesa.

Ha simbu ya cilongesa

1. 2. Shangumukeni na kumanesa na lilombela, kubanga nga ikeye abyana.

2. 3. Keti mulyake ha kwendeka manene. Akeni mbunge ku cilongesa cimuli na kulilongesa, co mwaneni simbu ya kwendeka bili ku mbunge yendi.

3. 4. Nga mushangumuka mutamba wauha mu libulu, tandeni majwi amwesa bili omwo mu mutamba na kwendekako ha mitwe imo ya bilongesa.

4. 5. Nga munamanesa mutamba umo wa libulu, pangeseni mutamba wa kwitulukamo mangana mukwase imukalilongesa nendi kwanuka byanalilongesa.

5.  6. Omwo mulilongesa cilongesa cimo na cimo lingeni byuma binatako:

   1. Tandeni mapalagilafu ali ha mutamba wa kulibanga.

   2. Tandeni bisoneka byoshe bibanamwesa ngwabo “Tandeni.”

   3. Mwasa kutanda na bisoneka bikwabo bibanamwesa mu libulu nga kutondeka kulinga ngoco.

   4. Mweseni mavidio oshe abanamwesa ngwabo “Kengeni” (nga kuwali)

   5. Mwihuleni bihula byoshe.

   6. Mumweseni bikupulo bili ha mutamba wa “Tondeseseni” na kumuleka akumbululeko.

   7. Pangeseni cipalo ca “Cilengo” mangana mumukwase amone mwali na kukolela ku sipilitu. Mwasa kumushonganyeya apangese cilengo cibanamwesa laja nambe alyakele ceka nambe kulinga byoshe bibali.

   8. Mwihuleni nga kuli bimo byanalikuwu manene ha mutamba wa “Waneni Bikwabo” mwanakala na kulibwahesela.

   9. Esekeni kumanesa cilongesa coshe ca mutunu ha simbu imo.

Munima ya cilongesa

1. 7. Twaleleleniho kumwanuka. Lombeni Yehova abezikise kulifwita kwa munu imukalilongesa nendi na kumikwasa mukale na mana a kuzibuka mwakumukwasela.