KUPWISA BANU BANDONGESI
CILONGESA 10
Kwakako Mbunge
Cinangulo: “Twashakele manene kumyana na myonyo yetu bene keti lika muzimbu waubwa wa Njambi, mwafwa twamizemene manene.”—1 Tesa 2:8.
Bika Byalingile Yesu?
1. Kengeni VIDIO, nambe kutanda Iwano 3:1, 2. Kutundaho, singanyekeseseni ha bihula binatako:
-
Musinganyeka ngweni bika byalingisile Nikodema aye kuli Yesu butsiki?—Taleni Iwano 12:42, 43.
-
Yesu wamwesele bati ngwendi wakele mbunge ku kupwisa banu bandongesi mwaliwanene na Nikodema butsiki?
Bika Bitulilongesa Kuli Yesu?
2. Tumwesa ngwetu twazema banu nga twaka mbunge ku kubakwasa bapwe bandongesi.
Tembwinineni Yesu
3. Lilongeseni ha simbu na ku mwela washaka munu imukalilongesa nendi. Hamo kuli litangwa na simbu byashaka kulilongesa. Kuma washaka kulilongesela ku bipangi, ku njibo yendi indi ku mwela umo wa mbunga? Lingeni mwoshe mumwasela kutengulula ku cinoneko ceni mangana mulilongese ha simbu na ku mwela washaka.
4. Lilongeseni simbu yoshe. Nga kumukalako, keti mumuleke ngweni oco calumingo kumulilongesa, oloni esekeni kusinganyeka ha bingila ebi:
5. Lombeni Yehova amikwase mukale na biyongola byabibwa. Mulombeni mangana amikwase kutwalelelaho kwaka mbunge kuli munu imukalilongesa nendi nameme simbu imo kesi kuwaniwa, co lalo kesi kupangesa bwasi byalilongesa. (Filp 2:13) Lombeni Yehova amikwase kwaka mbunge ku bifwa byabibwa byali nabyo munu imukalilongesa nendi.
