Bika Byalingile Yesu?

Bika Bitulilongesa Kuli Yesu?

2. Tunapande kusimutwiya mu cizemo na banu batukalilongesa nabo, oloni kutwapandele kubashwekela habanapande kupangela mangana bakole ku sipilitu.

 Tembwinineni Yesu

3. Kwaseni imukalilongesa nendi alyakele bilengo na kubishulisilila

1.    Pangeseni mutamba wa “Cilengo” mu cilongesa na cilongesa mu libulu lya Likuweni Kuyoya Myaka Yoshe!

2.   Mukwaseni azibuke cuma na cuma canapande kulinga mangana ashulisilile bilengo byendi byabindondo nebi byakama.

3.   Mushangaleni simbu yoshe ha byuma byabibwa byalingako.

4. Nangukeni bili na kumwonowesa kukola ku sipilitu, co mukwaseni mangana ase kubihyana.

1.    Lihuleni ngweni:

   • ‘Nga munu injikalilongesa nendi kesi na lishungu lya kushaka kumumbwitika, bika bili na kumwonowesa kulinga ngoco?’

   • ‘Bika binjasa kulingako mangana njimukwase?’

2.   ‘Lombeni Yehova amikwase mupwe ba kusimpa mangana mwase kusimutwiya nendi mu cizemo, oloni keti mumushwekele hanapande kupangela.’

5. Likeleni kulilongesa na munu uje kesi na kukola ku sipilitu.

1.    Lihuleni bihula binatako mangana mumone indi ali na kukola ku sipilitu:

   • ‘Kuma munu injikalilongesa nendi ali na kupangesa byakalilongesa ndi?’

   • ‘Kuma akai ku biwano bya cikungulukilo na kulekako bakwabo busunga bwanalilongesa ndi?’

   • ‘Munima ya kulilongesa nendi ha simbu yailaha, kuma ashaka kupwa umo wa Bakaleho ba Yehova ndi?’

2.   Nga shendi kukola ku sipilitu:

   • Mwihuleni bili na kumwonowesa kulinga ngoco

   • Co mulumbunwineni mu ngila yaibwa bimilingisa mulikele kulilongesa nendi.

   • Mulekeni byanapande kulinga mangana kulutwe mukashangumuke lalo kulilongesa nendi.