KUSHANGUMUKA KUSIMUTWIYA NA BANU
CILONGESA 5
Kunyanyama
Cinangulo: “Majwi eni apwe amabwa simbu yoshe.”—Kolo 4:6.
Bika Byalingile Paulu?
1. Kengeni VIDIO, nambe kutanda Bilinga 17:22, 23. Kutundaho, singanyekeseseni ha bihula binatako:
-
Paulu walizibile bati mwamwene bulombelo bwa makuli mu Atena?—Taleni Bilinga 17:16.
-
Kutubakana kupaya baka-Atena, Paulu wapangesele bati mu kunyanyama byuma bibakulahelele mangana abambulwile muzimbu waubwa?
Bika Bitulilongesa Kuli Paulu?
2. Banu basa kututolilila nga twangula mwamubwa bitwendeka nomu mutubyendekela na simbu itubyendeka.
Tembwinineni Paulu
3. Anguleni majwi amabwa. Cakumwenako, nga twendeka na munu uje kazibuka bya baka-Kristu, hamo kubanga tutengululeko mutushangumukila kumulekela muzimbu wa mu Mbimbiliya nomu mutwendekela bya Yesu.
4. Keti mushatukile kupaya munu. Mwaneni simbu azituke kwendeka mwalizibila. Nga endeka byuma bije kubilitombola na Mbimbiliya, keti mulinge nendi bimata. (Jems 1:19) Nga mumutolilila mwamubwa, co muzibisisa mwamubwa byakulahela nebi bimulingisa abikulahele.—Visi 20:5.
5. Litabasaneni nendi na kumushangala ha bisimpi byanendeka mwamubwa. Hamo nakulahela kutundilila kwisi ya mbunge yendi ngwendi bibakulahela ku bulombelo bwabo bya busunga. Waneniko hamo hamulitabasana, asina mumukwasa kuzibisisa biyendeka Mbimbiliya kamandondo-kamandondo.
